Page 3 - AUA BANK MAY 29

Diabierna 29 Mei 2015 Pagina 19

Solo di Pueblo... Noticia Local.....

“Three down, One to go”

Aruba Bank Walk & Run ta un exito rotundo

Aruba Bank ta masha
contento cu e mas di
2500 participantenan,
cu por a scoge entre
core of cana riba e ruta
di e di 11th Aruba Bank
Walk & Run. Evento ta
conta cu e sosten di nan
co-patrosinado Subway
y partner IBISA pa e
caminata y “run” di mas
popular.

Cu hopi entusiasmo
participantenan a “bay p’e”
na Paradera (Aruba Bank),
Palm Beach (Subway) y na
San Nicolas (Aruba Bank)
riba diamars, diaranson
y diahuebs pa un total di
16.5 kilometer.

Por a observa gruponan
di trabao, di amigonan
y famia, di diferente
organisacion coriendo y
canando hunto. Entre e
coredonan tambe a nota
diferente team chikito
cu a mantene e mesun
paso, y naturalmente
tabatin e coredonan cu
mas experiencia cu tabata
busca pa gana of mehora
nan tempo.

Cu tres ruta ya completo,
Aruba Bank ta invita tur
participante pa sigui cu
nan y e team di Aruba
Bank Challenge y, na
mes momento, ta reta tur
esunnan cu kisas awe ta
pensando tres caminata
of careda tabata basta,
pa nan bisti nan keds pa
asina hunto forma parti di
e ultimo dia.

Three down, One to go, 1
dia so mas falta: diabierna
na Aruba Bank Camacuri
pa un ruta di 6.8 kilometer.
Aruba Bank ta invita
comunidad di Aruba pa bin
apoya e participantenan
riba e rutanan.

Sigui tur desaroyo y
diberticion di Aruba Bank
Walk & Run 2015 riba e
pagina di Facebook di
Aruba Bank N.V. Potretnan
saca riba e rutanan lo
wordo “posted” cada dia.