Page 27 - HOH Feb 19

Jim Hepple di A.H.A.T.A. Industria turistico ta bon
informa riba e Zika virus

on: February 18, 2016In: LocalNo Comments
Print Email

Aruba Hotel and Tourism Association A.H.A.T.A., hunto cu Aruba Tourism Authority A.T.A. y
Departamento di Salubridad Publico DESPA a organisa un encuentro pa informa ampliamente riba e
virus di Zika. Segun Jim Hepple, CEO di A.H.A.T.A., durante e reunion aki a puntra e Departamento
di Salubridad Publico pa provee su miembronan cu un “update” riba e status di e virus di Zika, kico
nan mester haci den e evento si cualkier persona lo a haya esaki. Tambe e parti importante riba e
control di sangura en general y loke nos tin cu haci hunto pa controla criadero di sangura cu ta
transmiti e virus di entre otro Zika..

E miembronan a wordo provee cu informacionnan facil di loke e instancianan menciona ta haciendo,
con nan ta trahando cu prensa internacional y e mercado internacional di biahe. E cos importante ta
cu tur hende mester compronde cu mester tin un mensahe consistente. E mensahe cu Aruba ta
manda pa turistanan mester ta reactivo, cu ta responde na nan preguntanan. Ta tene conexion cu e
hotelnan pa loke ta e tipo di preguntanan cu nan ta haya for di nan huespednan pa cu e topico aki.
Tambe tin cu informa e mensahe na e huespednan cu nan mester tene precaucion y yuda nan den
cualkier manera di informa nan cu nan tin cu uza repelente y e tipo di pañanan cu nan tin cu bisti. E
mensahe di e instancianan ta consistente riba e importancia di e control general di sangura cu
Aruba ta hiba. Esaki ta conta pa tur e hotelnan, timeshare y tur tipo di accomodacionan cu ta wordo
brinda na nos bishitantenan, pero tambe loke e comunidad por haci pa percura eliminacion di
sangura. Na un manera consistente ta mantene miembronan bon informa di informacionan encuanto
e Zika Virus. Departamento di Salubridad lo bisa cu si experencia e tipo di sintomanan cu ta relata
na e virus, pa por fabor tuma contacto cu bo dokter di biaha. Actualmente tin posternan poni na nos
aeropuerto como tambe na waf di cruceronan, informando nos bishitantenan pa ta alerta riba
simptomanan manera keintura di ripiente, rash, dolor di cabes, dolor di weso, dolor di wowo of