Page 5 - HOH

Dialuna, 9 Juni 2025 AWEMainta
Ora Amor no Ta Berdadero
Compronde Dependencia Emocional
NA prome bista, amor y apego por parce y sinti increibelmente
similar. Den e etapnan inicial di un relacion, e alturanan emocional,
conexion profundo, y e deseo di ta rond di un hende henter tempo
por sinti manera amor. Pero tin biaha, e emocionnan intenso ey
no ta bini for di un luga saludabel.
Nan ta bini for di apego — un necesidad emocional fuerte cu
ta mas bien tocante yena un bashi cu construi un conexion.
Compronde e diferencia entre amor y apego ta esencial pa forma
relacionnan cu no ta solamente apasiona, sino tambe stabil y
cumpli.
Apego hopi biaha ta wordo impulsa pa miedo — miedo di ta bo
so, di no ta suficiente, of di perde control. E ta generalmente bini
for di heridanan emocional sin resolve, auto-estima abou, of e
creencia cu felicidad ta depende di un otro persona. Hende gara
den dinamicanan basa riba apego por sinti ansiedad ora nan
pareha no ta reacciona mesora of panico na e idea di pasa tempo
separa. Nan por purba controla e relacion of perde nan sentido di
23
identidad purbando di mantene e otro persona cerca. Esaki no ta
amor — e ta dependencia bisti den un disfraz romantico.
Amor Berdadero: Un Diferencia Crucial
Amor berdadero, di otro banda, ta basa riba siguridad emocional
y auto-concientisacion. E no ta exigi reaseguro constante of pega
na control. Amor ta tocante duna, no for di miedo, sino for di un
luga di plenitud.
E ta respeta limitenan, ta stimula crecemento personal, y ta
permiti ambos persona prospera independientemente y hunto.
Amor ta encera pasenshi, comprension, y e boluntad pa mira y
acepta bo pareha pa ken nan berdaderamente ta — no djis con
nan ta haci bo sinti tocante bo mes. Den un relacion di amor, tin
sosten mutuo y espacio pa ta autentico sin miedo di huramento
of abandono.
Con pa Reconoce e Diferencia
Reconoce e diferencia entre amor y apego por
salba nos di dolor di curason a largo plaso. Ora
nos ta confundi necesidad cu amor, nos hopi biaha
ta ignora banderanan cora y tolera comporta-
cionnan no saludabel djis pa evita di ta bo so. Esaki
ta conduci na relacionnan di un solo banda, agota-
mento emocional, y hasta resentimento. Amor, den
contraste, ta trece paz. E ta permiti nos ta vulnerabel
sin sinti nos exponi, y pa ta comprometi sin sinti nos
pega. E ta sostene libertad — e libertad pa crece, pa
cambia, y pa berdaderamente ta bo mes.
Pues con nos por sa cual nos ta experenciando?
Puntra bo mes: Mi ta sinti mi trankil y sigur den e
relacion aki, of ansioso y cu miedo? Mi ta stima e
persona aki pa ken nan ta, of pasobra con nan ta
haci mi sinti tocante mi mes? Lo mi kier ainda e miho
pa nan hasta si e no ta inclui mi? E preguntanan aki
ta yuda revela si locual bo ta sinti ta basa den amor
genuino of hancra den apego emocional.
Amor ta expande bo. Apego ta limita bo. Y sa e dife-
rencia ta e prome paso pa construi un conexion mas
profundo y saludabel — uno cu ta soporta e prueba
di tempo.