Page 15 - Hospitaal

10 Djaweps 4 Febrüari 2016

TRAHADONAN NO DOSENTE A REUNI

Felis dia WILLEMSTAD.- Ayera nochi trahadónan no dosente a reuní ku nan sindikato STSK riba
Bosina ke proponé tur e hendenan ku pa hopi tempu e proposishon di minister di enseñansa sra. Irene Dick ayera. E proposishon tabata ku
ta lucha sin un lugá na drechi pa biba, sin un kas òf minister a apuntá sr. Stanley Betrian ku lo sigui reuní ku STSK riba nan puntonan di
tereno i ku ta wardando pa hopi aña riba lista di FKP pa doló. Riba foto por mira e trahadónan den reunion huntu ku direktiva di STSK entre otro
wak si no por haña un bon abogado ku lo ke kuminsá e presidente sr. Lando Chirino, visepresidente sr. Lutson Lucas, i konsehero Errol Cova...
pleita na nan fabor. Si tin gruponan den e komunidat aki
ku ta dispuesto pa hasi loke sea pa stroba desaroyo i ku
e hendenan menshoná ariba lo por haña un kas anto a
bira ora pa e hendenan riba lista di FKP i otronan tambe
uni forsa.
Bieunan ta bisa, ora hende su
barika ta yen i e tin un bon dak
riba su kabes e no por komprondé
kiko esun ku no tin e mesun
suerte kuné ta pasando aden.
Gruponan ku stima datu, infrou
i lagadishi ta buska tur sorto di
argumento pa stroba trahamentu
di kas na Wechi. Asta Nini Godett
a legumai e asuntu di yuana ku
lagadishi.
Ya kaba mundu sa ku na
Kòrsou tin Zika. Bieunan ta bisa
ku sintí di hende ta kashi di pika,
wèl Bosina ta spera ku no ta e
hendenan di e pais bisiña ku a manda konta rònt mundu
ku Kòrsou tin Zika. No lubidá ku nan ta bisa turistanan
ku na Kòrsou ta atrako so tin i no tin nada di mira. Ta
kos bèrdat esei ta, pues no keda straño ku nan lo por
probechá di e situashon pa konta mundu ku Kòrsou tin
Zika.
Kòrsou ta masha bon madrasa. Hendenan di tur pais
a yega aki i mesora nan tur ta haña lugá, nan por traha,
nan ta haña kas i ta aseptá nan i nan yunan tur kaminda.
Nan ta masha kontentu ku Kòrsou a habri brasa i porta
tuma nan den tempu ku nan tabata den perkansia. Awó
ta bin, e mesun hendenan aki una bes ku nan pia kue
tera i nan a traha i haña forsa pa para riba pia, hopi bia
nan ta esnan promé ku ta dal Kòrsou skòp. E ora ei si
nan ta kòrda ku nan no ta di aki. Hende bibu!!
Ma bon, akaso minister Dick no a komprondé ku su
hendenan soberano no ke mira ni tende sierto nòmber?!
Atrobe ata minister Dick a buska Stanley Betrian pa
bai trèk un proyekto. Biaha pasá a bòm plan nashonal
riba enseñansa pasobra Soberanonan no a gusta ku
a pone Stanley ku Eric. Minister Dick a lubidá òf e ta
hungando loko? Dick ta buskando un “ocho por ocho”
ku su frakshon.
Esta tristu!
Un kantidat grandi di mucha di skol i muchanan
ku tabata landa komo deporte na SDK no por praktiká
mas òf mester bai otro kaminda pa wak te kon leu por
akomodá nan. Resultado final mayoria ta kai chikí, anto
tur esaki pasobra un bia mas a tuma desishon basá riba
emoshon. P’esei hopi lihé mester hasi loke profesor Gibi
Cijntje a bisa, esta mester prepará nos hendenan pa siña
tuma desishon ku base mas fiho.
A base di keho di mayor di un (1) mucha a kore
manera galiña sin kabes, a sera e pisina i awor tegelnan
a bula. Kontal hopi luna kaba muchanan no por hasi
uso di e pisina. Tabatin mas mucha ku keho, a chèk otro
sirkunstansianan ku por a okashoná problema serka
esun mucha? Ke men a rosa un mondi pa kaba ku un
palu. Nos ta pió ku repúblika di banana.
Tehi!!!
Te mas ratu
redactie@extra.cw