Page 36 - AVP

Nan a bin ta bisa cu e hendenan ta cumpliendo bon pasobra den e dianan cu a cuminsa
a mira un subida di e actividadnan, pero despues cu tur e informacion y polemica cu e
bin den media, e hendenan a bira cauteloso cu nan pago y a wanta un rato cu esaki,
Davelaar a indica.

E ta lamenta cu ainda tin un grupo basta grandi cu mester cumpli cu nan
responsabilidad cu Serlimar. Pesey e ta encurasha tur hende pa haci esaki.

“Tur hende ta mira e commitment cu nos tin, e inversionnan cu nos ta haci. Y si bo wak
bon, nos trucknan nobo a bin. Nos mester inverti den nos truck nobo pa nos keda
brinda e servicio optimal. Sin esaki nos servicio ta sufri na dje y nos no por duna e
servicio manera nos ta priminti pa cumpli cu e servicio cu ta cuadra cu e 25 florin cu

nos ta cobra”, a bisa.

El a referi tambe na e manera cu nan ta procesa sushi aworaki. Nan trucknan ta hiba e
sushi na un di tres compania, caminda cu nan ta paga 180 florin per ton y Serlimar na

nan beurt ta cobra 60 florin per ton pa deposit’e na Sero Tijshi, cu ta e landfill
temporal.

Eynan tin un gap, e director di Serlimar a mustra, di 120 florin, cu nan ta subsidiando

pasobra no ta pasa esaki pa pueblo. So bay conta esaki e ora lo mester bay papia 40
florin na pueblo, locual no ta haciendo, Davelaar a declara.

Pesey ta hopi importante pa comunidad cumpli cu e pago di e 25 florin di modo cu e

compania por sigui haci un operacion sano. Mescos cu tin gastonan, mester tin entrada,
a agrega.

Ora cu e entrada no drenta, esey por tin efecto ariba e operacion como tambe ariba e

payroll, a remarca.

For di e tempo cu Serlimar a bira Sui Generis a drenta sin inyeccion di capital y sin
financiamento, cu un budget hopi abao y cu debe, segun Davelaar a splica.

Ta cuestion di añanan cu nan ta bin ta hereda y apenas na 2018 ta e prome aña, bao
liderazgo di Minister Otmar Oduber, cu Serlimar a haya un presupuesto cu ta basta
cerca na loke ta e gastonan operacional.