Page 3 - AM200725
P. 3
Diasabra, 25 Juli 2020 AWEMainta 3
Un biaha mas
Persona mentalmente malo a susha
murayanan di Kapel di Alto Vista
DIABIERNA den oranan di mainta tempran manera
custumber di tur dia, e persona encarga cu Kapel a bay
habri e portanan y a bin topa cu un sorpresa.
Desconocirnan a pinta riba e murayanan, riba e cura,
riba vloer y tambe riba un di e cruznan (stashinan).
Mester ta trata di un persona cu no ta mentalmente
mucho bon, cu den oranan di anochi pa mainta lo a
comete e vandalismo aki. Skirbiendo 666, Swastika
(hakenkruis) esaki t’e simbolo durante Segunda Guera
Mundial tabata wordo uza p’e Nazinan y awendia te ai-
nda ta wordo uza pa personanan extreem rechts. Tambe
“Say 10”.
DEN PASADO
Nan a yega di comete vandalismo n’e Kapel dor di pin-
ta riba dje y tambe un persona mentalmente enfermo a
yega di destrui e imagen di La Birgen.
Nos no sa kico t’e meta of kico e persona(nan) aki lo kier
logra cu vandalismo, pero sigur ta un persona cu prob-
lema mental hopi serio, pasobra e edificio no a hacibo
nada y dor di sush’e bo no lo logra nada. Un acto hopi
baho. Cada ken mester respeta creencia, religión, pref-
erencia di otro.
Un persona, fiel bishitante di e Kapel a keda di manda
un team di haci limpi, pa pressure wash e murayanan.
