Page 105 - MIN ECEM_Neat

SEPPA: Ningun otro hende no lo tuma dump over: Dump ta
keda den man di Serlimar

Monday, 19 June 2017 20:03

Comparti

Edmundo Marlin di SEPPA tabata tey presente durante e accion di e

trahadonan di Serlimar. El a informa e trahadonan cu e accion a
termina y a pidi e trahadonan pa bay traha bek.

Pero si a pidi nan pa ta pendiente cu na momento cu tin informacion
na e proposicionnan cu tin di dump, lo informa e trahadonan di esey.

Marlin a sigui splica e reunion mes a bay bon cu Minister de Meza,
pasobra e problema tabata sinta caminda ta wordo bisa cu e dump ta

cera, nan ta bay desactiva dump y baha e actividad di sushi eynan. Pero
den un protocol cu a firma na December, ta para den punto number 6,

cu cualkier plan y cualkier accion cu lo bay tuma na dump, tin cu sinta
cu gerencia di Serlimar, hunto cu SEPPA, pa wak kico lo bay bira e

solucionnan pa e asunto di dump.

Mirando cu tin un comision trahando awor aki, e comision a bin

caminda cu miniser de Meza a bisa cu e ta desactiva dump den un
termino di algun siman, pero no tabata tin nada riba papel ainda,

pasobra nan ta bezig ta studiando esey. Esey a trece hopi confusion,
pasobra hasta ta wordo menciona y hendenan cu ta concurente di
Serlimar, cu nan lo tuma e dump over. Eynan ta caminda cu e minister

a enfatiza cu ningun hende no ta tuma dump over. E ta keda den man
di Serlimar.