Page 10 - ARUPARKING 5 OCT 2015

Acogida pa parkeermeternan ta creciendo cada dia
Publication: Monday, 5 October 2015. Categoria: General
Minister Otmar Oduber:

ORANJESTAD(AAN): Minister Otmar
Oduber riba diasabra a bishita e oficina di Aruparking den Wilhelminastraat.

Den un entrevista durante di su bishita e mandatario a expresa cu e ta hopi satisfecho cu e
resultadonan di e prome cuater pa cinco simannan cu e proyecto ta den operacion.
Cada biaha mas hende ta haciendo uso di e parkeermeternan y e resultadonan ta positivo. E
compania estatal Arubus lo ricibi pa aña 2 miyon Florin for di e parkeermeternan pa asina yuda
cubri e suma cu ta dedica na subsidia transporte publico pa pensionadonan, muchanan di school
y deportistanan.
“E resultadonan ta positivo, e resultadonan ta mustra tambe cu mas y mas e comunidad di Aruba
ta aceptando naturalmente awo cu nan ta sinti e comodidad, awo cu nan ta sinti e facilidad cu bo
por yega den centro di ciudad, bo por bishita bo tiendanan,” Oduber a bisa.
“Mi ta kere tabata algo cu hopi hende a lubida riba dje, mirando cu antes practicamente 7’or y
mey/8’or di mainta henter ciudad ta yena cu e hendenan cu ta traha den centro di ciudad y tur
esunnan cu kier haci compra nunca ta haya un caminda pa parkeer. Ta dura 20, 30, un ora tin
biaha pa bo por haya un caminda di parkeer of bo tin di parkeer hopi leu, mi kere cu hendenan
awo ta cuminsa realidad tin espacio, tin comodidad, mas espacio pa bo por yega den centro di
ciudad,” el a agrega.
“Nos ta hopi contento,” Oduber a expresa, mirando cu cada siman e cantidad di usuarionan a
subi, e cantidad di “smartcard” bendi ta sigui subi y e reaccion cu Arubaparking ta ricibi for di
abonadonan cu ta bin paga nan permiso mensual.