Page 36 - FDLP

Den Beach Tennis Panamerican Championship 2019

Brazil Campeon Den Tur Categoria

 Deporte

- 11/11/2019

Diasabra ultimo, Aruba tabata e anfition p’e Pan American Championship di Beach
Tennis. E campeonato aki a cuminsa diahuebs, 7 di november y a culmina, diasabra, riba
un Bushiri Beach Arena completamente yen.

E final den categoria femenino a wordo disputa entre 2 ekipo di Brazil cualnan ta Joana
Cortez y Rafaella Miiler contra Flavia Muñiz y Marcela Vita.

E duo Cortez y Miiller ta logra gana y asina aki bay cu e titulo di campeon pa nan pais
Brazil. Den categoria masculino, un biaha mas 2 ekipo di Brazil a bataya, caminda Vini
Font y Andre Baran a kita e titulo for di Marcus Ferreria y Thales Santo. Ambos ekipo ta
di Brazil.

Pa loke t’e categoria di mix aki tambe por a mira un final entre Brazil y Brazil, E duo, cu
ya pa añanan largo ta domina e categoria di mix mundialmente, esta Vini Font y Joana
Cortez, ta perde contra Rafaella Miiller y Andre Baran.