Page 7 - DIGICEL

2 Djamars 3 Aprel 2018
Minister di enseñansa sr. Marilyn Alcalá-Wallé
No tin ningun desishon tumá

pa ku studia den region

WILLEMSTAD.- Minister di enseñansa sra. Marilyn

Alcalá-Wallé a indiká ku
no tin ningun desishon
tumá pa ku studiamentu
den region. Ademas si tin
kambio i òf ahuste, esaki
lo konta pa e studiantenan
ku den e aña eskolar ku ta
terminá aki ta bai studia den
region. Ku esaki e titular di
enseñansa ta refutá kualke
insinuashon ku a keda
publiká den medionan
di komunikashon i kual
informashon inkorekto a
sali for di un trahadó di
Stichting Studiefinanciering
Curaçao (SSC).
Sra. Alcalá-Wallé a bisa
ku gobièrnu ta bin ku ahuste
riba tereno di finansiamentu
di estudio ku ta na benefisio
di e studiante i su mayor i
tambe gobièrnu. Ta bai wak
pa tin un sistema di ganashi
pa tur tres partido.
For di e momentu ei no
tabatin ningun kambio.
A trata diferente
proposishon den konseho
di minister. Na momentu ku
proposishon ta ser tratá den
konseho di minister, nan tin
di pasa e ròndu di konseho,
kaminda ta informá
koleganan e diferente
proposishonnan ku tin
riba mesa i e proposishon
ta bai diferente ministerio
pa verifiká, pa despues
konseho di minister por hasi
ahuste i tuma desishon.
Pues na e momentu aki no
ta kuadra ètòl ku su persona
a tuma ningun desishon riba
finansiamentu di estudio
pa loke ta trata studia den
region, di akuerdo ku e
minister.
Tambe el a bisa ku SSC no
tin outoridat pa riba su mes
tuma desishon di maneho.
Sra. Alcalá-Wallé a
indiká ku e tin mandato
di konseho di minister pa
sinta ku vários entidatnan
Sigui lesa pagina 43