Page 75 - MIN JUS

Presidente Di CSE, Dr. Mr. Glenn Thode; Lo No

Cambia Sede Di Entrega Di Lista

 Featured

 Local
- 28/07/2017

Diahuebs ultimo, Conseho Supremo Electoral a ricibi un carta di man di Korpschef via
Minister-President y nan a reuni riba esaki y a formula un respuesta y decision a base di e
peticion pa reconsidera e lugar unda ta ricibi e listananan di candidato.

Manera ta conoci Dolfi Richardson den su calidad di Hefe di Polis a haci peticion pa
cambia e sitio pa entrega lista politico.

E carta cu contesta a sali ayera mainta, relaciona cu e peticion haci pa Alto Comisario
Dolfi Richardson.

Den e contesta y splicacion duna, CSE ta bisa cu Polis a participa n’e reunion, unda e
decision tuma tabata unanime y pakico awor Alto Comisario kier cambio di e sede.

Segun Presidente di CSE: “Nos decision ta cu e entrega di lista ta tuma lugar aki na
Censo. Nos tin y ta sigui tin confiansa den e personal di Polis manera nan a sigura nos
den reunion na mesa unda a comparti argumentonan concreto.