Page 9 - ATA
P. 9
Recientemente Oficina di Turismo (A.T.A.) Hulanda a forma parti di e evento ‘Winter
Wonderland’ organisa pa e compania di aviacion Koninklijke Luchtmaatschappij (KLM),
como un di su patrocinadornan grandi.
Na un manera hopi creativo, Oficina di Turismo Aruba na Hulanda a sa di crea un
espacio special pa promociona Aruba. Nos clima y cultura a sa di causa un bon impresion
cerca tur bishitante, brindando hopi oportunidad pa mercadea Aruba como destino di
vacacion.
Na a comberti e parti paden di un ‘iglo’ den un zona tropical cu un bar caminda
invitadonan por a disfruta di un dushi ‘Aruba Ariba’ rondona pa imagennan bunita di nos
isla, mientras dos bailarina den disfraznan di carnaval tabata yama tur esnan presente
bonbini cu nan sonrisa y halando hopi atencion durante e evento. Te hasta e propio CEO
di KLM, Sr. Pieter Elbers no por a resisti e oportunidad di saca su potret den esfera unico
aki.
E aña aki Winter Wonderland tabata parti den dos seccion caminda e prome, esta riba
diahuebs anochi, tabata un B2B cu e miho agentenan di biahe invita. Riba diasabra
anochi e evento tabata habri pa biaheronan frecuente cu a disfruta di e set up spectacular
