Page 9 - ENNIA OCT 7, 2015

miho comportacion den trafico, manera baha velocidad y duna preferencia.

Mayor Alex Pieters a yega Aruba for di Hulanda na aña 1997. El a drenta Cuerpo Policial e mesun aña y
tin actualmente 18 aña trahando como Polis. E ultimo 13 añanan Pieters ta miembro di e unidad di
brommer y ta riba caya pa por lo menos cuater ora pa dia. Trahando cu e unidad aki el a dicidi di
specialisa mas den trafico y a uni na e comision cu ta percura pa e “schoolverkeersexamen” cu ta wordo
duna den vijfde klas. For di 2011 e ta miembro di e comision y hunto cu su colega di planologie, esta
Maduro ta traha e examennan. E ta instructor den Police motorcycle safety course, certifica na Canada.

Mayor Alex Pieters a expresa cu e ta haya e seminario organisa pa Ennia un bon iniciativa cu ta yuda lanta
hendenan for di loke e ta yama un “zombie mode”. “Nos ta cay den un zombie mode, un rutina di bida”,
unda cu ora nada ta pasa cu bo, bo ta bira nonchalant pa cu peligernan cu ta existi, Pieters a bisa. El a
agrega cu ta necesario pa hendenan ta constantemente enfoca riba cosnan cu por sosode, sea ta candela,
ladronicia, atraco of accident di auto, hendenan mester keda corda cu tin peliger. E persona mester ta
consciente di kico ta su deber pa cu su mesun siguridad.

Mayor Alex Pieters a conclui bisando cu e ta contento cu trafico ta haya mas atencion pasobra e ta un
topico hopi importante y mester actua awo prome cu e situacion bira pio. Cada vida ta importante, no laga
mas morto cay den trafico