Page 16 - AVP
P. 16
Prijs di azeta ta baha pa e realidad aki, cu ta forsa e productornan di petroleo di baha
nan produccion.
E menasa mas grandi pa sector petrolero mundial no ta China. E futuro di petroleo ta
mucho mas grave y e cantidad di refinerianan cu a cera y hasta companianan di
petroleo cu a cera nan porta for di 2015, ta papia un idioma cla.
Pa resumi e cantidad di problemanan cu mundo petrolero a aden, mester sector
petrolero como un negoshi y no un acto di caridad enfrente e pais caminda ta establece
un refineria.
Mas pisa e petroleo ta, mas placa e ta exigi pa por wordo refina. Esaki ta haci cu
companianan petrolero ta prefera atende cu crudo cu no ta pisa.
E instalacionnan na Aruba ta pa atende cu e proceso pa subi e calidad di petroleo pisa.
Despues ta papia di refina.
Esaki no ta e unico problema. Mundo a sigui desaroya. Tecnologia a bay dilanti y
refinerianan den futuro tin gastonan enorme pa adapta na exigencianan moderno.
Trahadonan tambe mester bay adapta nan mes na exigencianan di modernisacion t
digitalisacion cu ta exigi ampliacion di conocemento.
Ta bay tin mas cambio pa e mundo di petroleo manera for di fin di 2019 a wordo
estableci.
E grado di sulfa den azeta pa uzo marino, mester baha cu tur e resultadonan cu esaki lo
tin.
Productonan petrolero cu ta wordo uza den trafico riba careteranan, ta representa mita
di e total productonan petrolero cu ta wordo bendi. Tecnologia ta bay enfrenta e
negoshi aki cu rapidez. Auto electrico lo baha e demanda pa e productonan aki
considerablemente den e proximo 20 aña.
E reservanan den petroleo lo sigui subi y prijs lo por sigui baha. Companianan petrolero
ta trata na establece con grandi nan negoshi lo ta.