Page 22 - AVP
P. 22
Un otro gasto innecesario ta e Incinerator. Cada biaha ta bin hende di Europa pa purba
ahusta e Incinerator cu tin varios luna riba Parkietenbos. E incinerator aki ta cla pa
cuminsa traha pero awor no por traha pasobra cu no a pasa keuring di DTI. E incinerator
mester di un sistema completo di sprinkler den caso di un candela. E incinerator ta bou di
un dak unda e mashinnan di Bouldin and Lawson tabata.
Marela Wever tabatin un
otro funcion den Serlimar pa basta aña. Politicamente, via su casa, a logra dun’e un
funcion prominente di Director Financiero. Den pasado caba el a pasa den “wowo di
hangua” despues cu a descubri cu e hunto cu e Director anterior a fix un aumento di
salario pa nan mes. A sacrifica e director e tempo aya y a want’e na trabou toch.
Ta mas cu obvio cu DOW a faya aki atrobe. A hinca henter un plan den otro y a lubida
aspecto di siguridad. No a hinca e sistema di sprinkler aden. Esey a causa cu te awe DTI
no por keur. E sistema di siguridad pa e proyecto aki no ta di awa. E mester ta un
sprinkler adecua cu otro material pa combati candela. Parce cu e gastonan pa esaki ta core
den mey miyon florin! E placa aki Serlimar no tin. Esey ta causa cu henter e proyecto di
incinerator ta totalmente para.
