Page 41 - AWEM8MARCH2017
P. 41
AWEMainta Diaranson, 8 Maart 2017 41
En coneccion cu Dia di Hende Muher awe 8 di maart
Ta honra un gran dama baluarte di AVP sra. Digna Lacle-Herrera
AWE riba Dia di Hende Muher damanan di fraccion di AVP a bishita un
gran baluarte dama kende a sirbi nos pais Aruba den Parlamento 30 aña pasa
kende ta sra Digna Lacle-Herrera.
Sra Digna Lacle-Herrera a milita den fila di AVP for di aña 1979, pero ta cu su
22 aña sra. Digna tabata miembro activo di Partido di Pueblo Arubano, AVP.
Un señora hopi dominante, critico, diplomatico y inteligente cu ta para pa
nivel den Parlamento. Un señora cu a stima politica pa sirbi su pueblo.
Te ainda sra. Digna ta sigui politica local y internacional tur dia. Sra Digna
Lacle-Herrera a fungi como lider di fraccion di AVP den e prome Parlamento di
Aruba na aña 1986 y el’a keda lider di fraccion di AVP p’e siguiente 3 añanan.
Esaki den temponan cu casi no tabatin hende muher activo den politica. E
tabata pues un ehempel y inspiracion pa hopi hende muher cu a sigui su pa-
sonan den politica.
Sra Digna Lacle-Herrera awe ta conta cu 91 aña y ainda cu hopi pasion pa
politica local y internacional. Sra Digna a keda masha contento cu bishita di
damanan di fraccion di AVP na su cas. Ainda ta recorda su experiencianan
grato den Parlamento.
Damanan di fraccion di AVP a comparti un atardi ameno cu sra. Digna
contando su experiencianan.
A gradici sra. Digna Lacle-Herrera pa su bon trabao den partido AVP, den
Parlamento di Aruba y tambe e bon ehempel cu ainda e ta pa nos hende
muhernan den comunidad.
