Page 5 - AB
P. 5
Diabierna, 15 Mei 2020 AWEMainta 5
Varios patruya a bay Centro di Bario Dakota
pa grupo cu tabata hunga futbol
DIARANZON atardi
pa mas o menos 6’or,
Polis a wordo avisa
cu na Centro di Bario
Dakota tin wega di
futbol andando, y esaki
no mag debi cu ta
Samenscholing.
Na yegada patruya di
Playa cu a yega n’e parti
pariba di e veld cu ta
cay cu Cantaloupstraat
e grupo di persona no
tabata worry cu nan. Ni
maske cuanto señal e
patruya a duna nan.
Esaki tabata motibo
pa pidi back up di mas
patruya dor cu tabata
trata di un grupo grandi.
P’asina nan avisa nan
cu te ainda no ta permiti
hunga futbol debi n’e
Physical Distancing o
Distancia Fisico y cu
Samenscholing no ta
ser permiti.
Ni maske cuanto deseo
e muchanan aki por tin
pa practica deporte.
Mientras cu mas patruya
a yega nan a baha y
a papia cu e grupo
grandi y cos a cana bon
mirando cu tur e grupo
grandi a compronde
bandonando e sitio.
