Page 16 - MIN VOS

Dietista Charlene Leslie

ORANJESTAD (AAN): Na momento di vakantie hopi biaha un persona tin otro costumber
compara cu durante temporada di school, specialmente e muchanan. Hopi biaha ta
come mas snack, come mas iregularmente, haci menos actividad fisico manera deporte

of gym na school.

Locual ta hopi importante pa tur hende keda come regular cu e mesun costumber
durante e aña. Funcionario di promocion di salud na IBiSA y dietista Charlene Leslie a

duna diferente tip importante pa temporada di vakantie di school. Como miembro di
Grupo di Trabao di Alimentacion y Movecion Leslie ta enfatisa cu bon costumber ta sigui
den vakantie tambe.

Algun tip ta encera cuminsa cu desayuno saludabel; Come fruta y berdura; Disfruta di e
vakantie pero na un manera saludabel y e no mester ta a costo di bo salud; Actividad
fisico, di cual hopi biaha ta stop di haci deporte pasobra no tin e gym na school p’esey
ta keda importante pa haci gym e 1 ora. Esey por ta hunga na cas, haci actividad fisico

manera camp of hasta haci actividad cu mayornan naturalesa, pensa riba parke
Nacional Arikok, baila, core bays.

Tin diferente idea pa pone e muchanan move y limita e uzo di tecnologia, kiermen keda

sinta dilanti television of cu e iPad. Ta hopi importante pa nan keda den movecion y e
comemento saludabel. Por duna un treat pero purba di no haci esey di mas y keda
regula cu e nutricion saludabel.

Eromil Bakmeyer di POR mustrando riba

Mantelzorg na Aruba

July 17, 2017
10

0