Page 25 - MIN VOS

Maneho solido di deporte mester ta basa riba investicacion
nan pa por haya data pa fortifica e vision

Tuesday, 18 July 2017 12:52
1

Comparti

Den un entrevista realisa cu Presidente di Stichting Fundacion Lotto pa Deporte, Sr. Di Stefano Wernet
RA a bin splicacu Lottota bezig cu diferente projecto nan di deporte di karakter investigativo, hunto cu
nos Ministerio di Deporte Dr. Alex Schwengle, pa por haya data.

Segun Sr.Wernet ta conta cu den e mundo deportivo nos mester di cooperacion real, mas transparencia
finansiero, respet mutuo, responsabilidad y sigur haya e informacionnan/data nesecario pa tuma e
desicionnan corecto& duradero. Pa e motibo aki tambe Lotto ta contento cu Minister di Salubridad
Publico Deporte y Cuido di Nos Grandinan, Dr. Alex Schwengle a aserca nan pa e diferente projectonan
di deporte. Un di e projectonan grandi cu diferente biaha a elabora riba dje ta e “Multi-Functional Beach
Sport Complex”. E oficina renombra PriceWaterhouseCoopers a hasi un estudio riba e “Feasibility Study
y “Social Economic Impact Assessment”, esaki ta un projecto cu Lotto a financia. E planificacion di e
projecto aki ta ensera mucho mas cu simplemente un stadion pa deportenan di playa, principalmente e ta
na beneficio di nos muchanan y hobennan. Recientemente Ministerio di Deporte cu ayudo financiero di
Lotto a organisa un seminario di deporte unda hunto cu e diferente stakeholdersnan manera ASU, COA,
IBISA, SSA, Lotto, FFD y e federacionan deportivo a trata e “Governance Codes” pa deporte. Den e caso
aki Lotto ta kere den un bon maneho, semper tin espacio pa cambio y mehoracion, esey tambe nan ta
boga pe. Segun Sr. Wernet e no ta nada nobo, internacionalmente tin hopi desaroyo di “governance”.

Den pasado a inicia cu esaki na Merca, despues a sigui pa Hulanda, Sur Africa y awor e ta rond mundo,
pues no ta algo local pero internacional. Nos mira e desarollo aki tambe na Fifa & IOC. “Governance” ta
algo masha facil, bo mester tin un bon maneho, bon supervision y bon control, pero tur cos ta depende di
e hende paso eynan e ta cuminsa. Durante di e seminario tambe a trata e “Sport Visie Document” di
Minister di Deporte, Dr. Alex Schwengle. Mirando cu no tin un investigacion scientifico riba tereno di
deporte entre otro pa haya data, aki a contrata Dr. Bob Heere, un experto Hulandes di Universidad di
South Caroline, riba tereno di deporte cu ta haciendo diferente investigacion acumulando data, esaki pa
despues tuma bon desicionnan pa futuro. Mester bisa cu Minister di Deporte a pidi Lotto tambe e ayudo
pa un investigacion tecnico pa investiga e facilidadnan deportivo na Aruba y nan condicion, si tin
demasiado facilidad of tin di menos. Segun Sr. Wernet riba e tema aki mester ta masha cauteloso pa
motibo nos tin limetenan financiero mester wak kiko realmente ta prioridad y unda mihor e placa por
wordo inverti, kizas den e propio atleta y e coach of tambe den e maneho, “Sport Management”/directiva.
Pa e motibo aki tambe tin e investigacion tecnico andando riba e esaki. Por ultimo Sr. Wernet kier a
quote palabranan di un legendario futbolista esta Alfredo Di Stefano kende a bisa; “No One Player Is As
Good As The Sum Of A Team”,cu otro palabra laga nos haci teamwork, bo por ta talentoso pero boso no
por logra mas cu un team. Laga nos boga pa mas union den deporte y pa yuda deporte realmentecu un
corason sincero, principalmente nos hubentud cu ta nos futuro di majan.