Page 31 - MIN VOS

Benny Nisbet(PPA):

ORANJESTAD (AAN): Ta bisto cu pueblo ta basta frustra pa cu funcionamento di
nos salud publico en general ! PPA tin intencion di dedica atencion na e tereno

importante aki. Na prome lugar dentro di e renovacion di nos presupuesto general PPA
ta mira necesidad pa indica 3 of 4 tereno unda lo no tin bahamento di e suma destina
pa e tarea specifico y un di nan segun vision di PPA lo ta ‘salud publico’.

ATENCION DI DOKTER Y SPECIALISTA!:

Un frustracion di pueblo ta cu ta warda di mas pa haya nos ‘huisarts’ y specialista pa
mira. Especialmente specialista !! Nos ta consciente cu cierto pashent ta warda 5 pa 6

luna cual ta inacceptable dentro di un salud publico responsabel. PPA ta consciente
tambe cu varios pashent a haya nan mes ta biaha pa exterior pasobra nan a hay’e
irresponsabel pa warda 5/6 luna pa haya atencion di un specialista.

PPA ta di opinion cu lo mester worde fiha den nos reglanan un termino dentro di cual un
pashent mester por haya su ‘huisarts/dokter’ y specialista pa mira !! Ora cu e termino
aki surpasa e termino stipula den nos leynan/reglanan e patient tin di entrega keho
na AZV y otro instancia cu lo por conduci cu riba e tereno specifico

aki AZV/gobierno ta laga mas specialista bin nos pais. E necesidad y atencion pa nos
patient mester ta central.

DERECHO RIBA UN SEGUNDO OPINION!:

Pueblo di Aruba mester worde splica cu como patient nan tin derecho riba un
‘second opinion’ ! No cabe duda cu e acento cu PPA a pone riba esaki durante e debate
di millennials a capta atencion di esnan presente y sigur di pueblo. Un pashent tin

derecho riba un ‘second opinion’ y esaki mester worde respeta pa
tur ‘specialista’. Gobierno mester produci programanan dedica na un sistema di salud
publico sano den cual gobierno mester acenta e ‘derechonan di un pashent’ y cu nan
no mester tin miedo pa para pa nan derecho. Un second opinion ta derecho di un

pashent y si E ta desea di hasi uso di esaki su opinion mester worde respeta y e
specialista lo mester respeta esaki.

GOLDEN HOUR ??