Page 1 - AM200803
P. 1
Augustus 3, 2020
www.awemainta.com
www.facebook.com/awemainta
noticia@awemainta.com
583-1400
POLISNAN TA TOPA
CU MUHER ILEGAL
TA HACI SEX CU 2
HOMBER LOCAL
AYERA mainta den careda di 10 or riba caminda Polis a topa cu un
situacion bastante sospechoso na Rancho pabao di Natural Bridge.
Aki e Polisnan a topa cu un Nissan Almera blanco para dilanti di e
rancho. Y ora cu nan a baha pa bay mira mas a leu, nan a bin topa cu
un dama di nacionalidad Venezolano den accion sexual cu dos homber
local.
E agentenan aki a pidi e muher concerni pa su papelnan, pero e no
por a mustra cu e tin papelnan necesario cu e ta “legal” na Aruba.
Tambe e Polisnan a pidi e doño p’e papelnan di e auto, pero e tampoco
no por a demostra niun documento valido di e auto.
Polis mesora a confisca e auto y a pidi pa un takelwagen.
Mientrastanto e doño di e auto a keda atende su caso cu e Polisnan,
mientras e di dos homber yen di berguensa a core scondé pasobra un
di nan ta un homber casa of tin un pareha y sigur esaki lo afecta su
relacion.
Polis a hiba e muher ilegal pa Warda di Polis y lo wordo entrega den
man di Guarda Nos Costa, caminda nan lo mester haci control si su
papelnan ta na ordo of no.
Na final Polis mester a pone e dama den boei, debi cu el a cuminsa
bira hopi agresivo tambe. Pa loke t’e 2 hombernan no a keda nada cu
e Polisnan a yega te eynan comosifuera ta fin di mundo pa strobanan
y riba dje bay cu e auto tambe !!!
