Page 69 - HOSPITAAL

Ta di spera cu dentro di poco tambe por tuma na cuenta cu dump, riba bestianan cu

wordo poni drumi y tambe bestianan cu autonan ta dal, cu ta wordo lanta pa Serlimar.

Esey ainda mester warda si esey por sosode. Pa awor aki nan ta wordo manda dump.

Tur bestia ta wordo poni drumi individualmente. Pesey tin hoki pa asina esnan cu laga

nan bestia atras, pone nan den hokinan atras. Lamentablemente esey tampoco no ta

sosode. Nan ta djis habri porta y e bestia ta cana drenta. Tin biaha nan ta laga cachonan

grandi cu puppies, cu tur consecuencia. Un biaha pa dia e empleadonan di Veterinaire

Dienst ta bay eynan. Esey ta e procedura cu nan tin.

E cachonan cu yega eynan, nan no ta wordo samina si nan tin microchip. Esey ta e

responsabilidad di e doño cu ta laga e bestia atras. Tur bestia cu yega den e afmaakhok, ta

haya un spuit, segun van den Berg.

Spinoff effect

Tur pais tin su maneho, segun van den Berg. Na Corsou por ehempel, nan ta bezig cu

educacion riba responsable petownership y esey aki nan tambe Aruba mester bay den e

direccion eynan.

Cantidad a baha?

Tin cifras y ta riba 4 pa 5 mil bestia cu ta bay den afmaakhok. Antes e tabata hopi mas.

Pero si mester ta cauteloso di bisa si e ta baha of no. Pero parce cu e ta algo menos

compara cu 10 aña pasa.