Page 34 - KPA

6 AWEMainta Diaranson, 23 Augustus 2017

No a topa ningun arma di Contrario na loke cu PG. Alexander van Dam a declara

candela durante detencion PG a acusa Minister drs.

Paul Croes falsamente

Señora no ta traha ilegal na cas di e Minister

DIADOMINGO den oranan di anochi, a pidi
presencia di Polis pa un auto sospechoso den Berna-
detstraat. E auto lo tabatin tres ocupante y arma di
candela den nan posesion.

Polis a presenta n’e sitio indica y topa cu un Hyundai
Getz color shinishi para memey di caminda, unda
tabatin un homber sospechoso cu kier a move bay
ora a mira Polis.
El a wordo deteni pa ta bou influencia di alcohol y
transporta pa Warda unda el a ricibi un cel pa sosega
su curpa.

E Hyundai Getz a wordo confisca pa motibo cu e
papelnan no tabata na ordo. Pa loke ta e arma cu a
wordo indica na cuminsamento, no a haya ningun
arma den e auto.
Foto ta cortesia di ArubaNative.com

CONTRARIO na loke t’e acusacionnan di parti di Procurador General,
mr. Alexander van Dam, cu Minister drs. Paul Croes a haci su mes culpable
na “mensenhandel”, ora cu a haya un señora trahando na cas di e Minister
ilegalmente.
Y ora cu a detene e señora aki, nan a pas’e pa Warda nos Costa.
Awor ta sali na cla cu e señora cu nan a hiba na un forma inhusto atrobe for
di cas di Minister Paul Croes, a resulta di tin su papelnan na ordo. E señora
ta completamente legal y ta den libertad.

Mientrastanto Ministerio Publico, despues di 5 luna di a realisa un huiszoek-
ing na cas di sr. Croes a bin busca e Minister pa interogacion y asina duna
su persona e oportunidad di defende su mes, si en caso bin un caso dilanti.

Sra. mr. Marije Vaders, kende ta abogado di Paul Croes a declara anteri-
ormente cu e ta puntra su mes si Paul Croes lo por realmente haya un fair
trial despues di tanto luna di acusacionan serio den su direccion sin por a
defende su mes ni un dia.
Den e relato di prensa OM a bolbe informa cu drs. Paul Croes no por ricibi
documento di su caso, loke ta bolbe trese duda den henter e proceso su le-
galidad y husto.

Den e dianan nos dilanti lo skucha kico t’e intencionan di OM y kico t’e
supuesto pruebanan cu nan lo tin contra Minister drs. Paul Croes.