Page 77 - KPA

Prome minister Eman ainda keto riba

detencion Paul Croes

Posted on 08/22/2017 3:38 pm AST | Updated on 08/22/2017 7:54 pm AST

ORANJESTAD – Gobierno di Aruba (cu excepcion di minister Angel Bermudez) y
partido AVP ta keto riba e caso di detencion dialuna di colega y minister Paul
Croes. Despues di e detencion, NoticiaCla y varios otro medio a busca contacto cu
tanto prome minister como otro coleganan, pero no tabata exitoso. E unico miembro
di gobierno cu a duna un reaccion cortico, tabata Angel Bermudez. Pero e otro
coleganan a opta pa no bisa nada ainda. Diamars a compronde cu e prome
mandatario lo ta dispuesto pa duna su prome reaccion na ocasion di
‘groundbreaking’ di e proyecto nobo na lugar di Bushiri Hotel.

REACCION BERMUDEZ

E mandatario encarga cu finanzas durante e programa ‘NoticiaCla LIVE' tabata breve
riba e tema. Ora cu a puntre si ela wak e eclipse solar dialuna, ela contesta “No, mi no a
wak e pasobra bisabo francamente mi no tabata sa ki ora e lo tabata precies” Bermudez a
bisa. “A compronde mainta tempran cu e dia a cuminsa cu un eclipse solar pa politica en
general y famia di Paul Croes en especial y su famia. First Reaction, dialuna mainta lanta