Page 40 - EXTRA

Djabièrnè 16 Mart 2018 41

di nos e ta

Kontinuashon di pagina 6
Residivista kondená
tabata disponé di un
rapòrt sikiátriko.
Pa ku e investigashon aki
e hues a duna di konosé ku
e akusado lo mester bai den
e departamento di “Foba” pa
einan e wòrdu analisá mas
profundo. Segun hues esaki
pa motibu ku korte ke wak si
realmente e ta responsabel
pa e akto ku el a kometé.
Hues a splika e akusado
e echo aki i a puntr’é kiko
e ta pensa. Riba esaki e
akusado a splika korte, ku
e no ta mira pa kiko e tin ku
bai Foba, pa motibu ku e no
ta loko.
Segun akusado e no
tin motibu pa bishitá niun
sikiater pa motibu ku e sa
kiko e ta hasi.
E akusado a splika, ku
riba e dia en kuestion, el a
haña left ku un tal Brian.
Segun Martina e no a
mira nada straño na e outo
i a drenta den e vehíkulo pa
e bai ku e hòmber.
El a deklará ku e hòmber
a para un kaminda pa hasi
algu i a bis’é pa bai dal un
rònchi ku e vehíkulo bini
bèk.
Segun e akusado si e
tabata sa òf tuma nota ku
e vehíkulo tabata hòrtá òf
kibrá na e suich, lo e no a
ni drenta.
El a bisa di a hasi loke e
hòmber a pidié i no a mira
niun problema den esaki.
E akusado a duna di
konosé ku no tabatin nada
kibra na e vehíkulo, ni
paden ni pafó.
Martina a bisa hues ku e
ta kompletamente inosente
den e kaso aki.
Hues a remarká na e
akusado si e ta uza droga.
Riba esaki e akusado a duna
di konos’é ku e ta uza tur
tipo di droga.
Martina ta mama di 4
menor i a keda kondená un
par di biaha kaba.
Fiskal ta haña e
akusashon probá i ta
demandá e akusado na 12
luna di kual 6 kondishonal.
Hues den su desishon
a desviá for di demanda
di fiskal i ta kondená e
akusado na 10 luna di kual
5 luna ku un periodo di
prueba di 2 aña.

aviso@extra.cw