Page 27 - ATA

Segun ley, na momento cu ATA a wordo haci sui generis, tur 15 di luna,
gobierno tin e deber y obligacion di traspasa e roomtax cu ta wordo cobra na
turista, pa traspasa e suma di placa aki pa ATA y esaki ta e entrada mas

principal cu ATA ta draai ariba dje.

Na momento cu e gobierno aki a sinta, despues di un siman haci un encuentro y
a elabora ariba varios topico. Den e di dos reunion, a trece dilanti cu ATA tin

problema cu cash flow. ATA ta conoci un instituto cu ta genera hopi placa y ta
prome biaha den historia desde cu el a wordo comberti den Sui Generis, cu

esaki ta pasa.

E problema tabata cu e gobierno anterior a laga atras, cu 5 luna largo nan no a

traspasa e roomtax pa ATA. Consecuentemente a dirigi un carta pa Minister di
Financia, minister di Turismo y Minister di Asuntonan General, unda cu nan ta

señala cu gobierno(anterior) debe ATA mas di 22 miyon florin. Esaki ta di
lamenta di e responsabilidad anterior di laga e situacion asina atras cu ta hinca

turismo di Aruba den problemanan hopi serio. Actualmente ATA tin problema cu
likides, cu ta prome biaha cu nan tin problema cu cash flow.

Esaki ta un prioridad pa sigur e ministerio di Turismo y gobierno di Aruba, ya cu
di turismo no por hunga, no por hunga cu pan di cada hende. Esaki ta un

asunto serio. Aruba ta e di dos pais na mundo cu ta depende mas hopi di
turismo y nan momento cu e instituto di turismo cu ta maneha turismo di

Aruba, ta den problema cu cash flow ta indicacion di un problema serio y na un
manera diligente, a sigura ATA cu nan ta haya e tourism levy (room tax) pa

asina por cumpli cu su obligacionnan diario pa paga companianan di mercado,
paga su gastonan operacional, cu e no por cumpli cu su creditornan. Ta di

lamenta cu a hereda e situacion aki, cu ta muestra di un maneho iresponsabel,
cu no ta cumpli cu ley. Den ley ta para cu mester cumpli cu ley.

Con kier pa comunidad respeta ley, si abo como gobierno no ta respeta
esakinan. Pero na e momentonan aki, e placa no t’ey, ya cu obviamente el a

wordo uza pa otro destino. El a wordo uza pa nombracionnan politico durante