Page 23 - MIN SOC JAN 15,2016

Djabièrnè 15 Yanüari 2016 47

Kontinuashon di pagina 3
TRAHADONAN DOW...
asuntu di kùrmentu di

outo i pues e trahadónan ta
kere ku mester tin trankilidat
pa nan por ehersé nan
trabou den tur trankilidat
i mil maravia manera sa ta
ántes. Ku presensia di e shon
aki kosnan ta bai pega.

EXTRA a papia ku
presidente di ABVO Sr.
Wendy Calmes riba e
situashon. El a bisa ku no
a yega na su orea ku tin un
hefe ta terorisá e trahadónan
na DOW. El a kaba di palabra
ku e presidente dje grupo di
servisio ku e dianan aki ta
bai sinta huntu, pa prepará
un reunion ku mester tuma
lugá ku minister Camelia-
Römer otro siman. Den
e reunion ei lo bai trata
prekupashonnan ku lo por
ta biba serka empleadonan.

Calmes ta kere ku OW a
keda atras kompará ku otro
servisionan di gobièrnu
pasombra na momentu ku
tin kambio a tuma lugá
ku 10-10-10 servisionan
a pasa den trayekto di
“functiewaardering”. OW
si no tabata parti di esei.
Calmes ta kere ku esei lo
ta un dje problemanan ku
mester atendé na OW.

Kontinuashon di pag 20
HOPI NO TA MIRA

E desaroyonan
teknológiko rápido di último
tempu a kambia e ambiente
den kua e sindikato ta
funshoná. Antes hende
tabata traha den un asina
yamá “closed shop”. Un
hende tabata traha den un
ofisina òf fábrika i hopi biaha
tabata keda traha henter su
bida serka e mesun dunadó
di trabou. Bira miembro di
un sindikato ku ta bringa pa
bo derechinan tabata forma
parti di e totalidat aki.

Awendia hopi hende ya
no ta traha den e struktura
aki mas. Hopi hende tin nan
propio negoshi i ta tuma
nan propio desishonnan i
stipulá nan kondishonnan
di trabou. Ademas hende a
bira mas móbil i ta kambia
mas di trabou kompará ku
ántes. Den e asina yamá
“open shop” aki, hopi biaha
e trahadó no ta sinti e
nesesidat di bira miembro
di un sindikato.