Page 20 - ARUBA BANK
P. 20
Lev Varela lo representa Aruba Bank den Magic’s
Hand-A-Thon
July 4, 2018
ORANJESTAD, Aruba: E aña aki Magic FM ta celebra su 20 aña di existencia y pa esaki a organisa e Magic’s
Hand-A-Thon. Clientenan di Aruba Bank tambe por a forma parti di e evento comunitario tan gusta aki. A
scoge entre tur cliente di Aruba Bank cu a cera nan “mortgage deal” desde 24 di April te cu 30 di Juni pa bira
un di e 12-14 participante den e Hand-A-Thon y a ricibi e oportunidad pa gana un auto nobo.
Diaranson atardi den transmision en bibo hunto cu Magic FM, Aruba Bank a saca e ganado. E ganado aki lo
representa Aruba Bank den e evento grandi di Hand-A-Thon. Pa por a saca e ganado, Aruba Bank a haci un
“raffle” unda a saca 6 nomber y a invita e clientenan pa saca e representante final LIVE riba Magic FM.
E ganado ta Lev Varela y e lo representa Aruba Bank den e Hand-A-Thon. Aruba Bank ta sumamente contento
di por ta un partner di Magic FM su Hand-A-Thon y di por a duna un cliente e oportunidad pa participa cu
posibilidad di gana un Chevrolet Aveo 2018 nobo nobo.
