Page 2 - AM200325

2 AWEMainta Diaranson, 25 Maart 2020

Curpanan di esnan

cu tabata den e

peñero cu a sink

saliendo ilegalmente

pa Aruba, haya na

costa di Colombia

DIADOMINGO anochi a cuminsa circula riba Social
Network, resto di un curpa humano. Esaki lo a wordo haya
na costa di Guajira.
Mesora el a wordo asocia cu un di e personanan cu tabata
den e peñero cu a sink.
T’asina den e weekend di 13 pa 15 di maart un peñero cu
varios persona den dje a sali direccion Aruba, pero nunca
a yega. Manera ta wordo bisa, e hendenan aki sali for di
Venezuela pasobra na Venezuela nan no por haya un mihor

futuro.

Manera menciona tur esnan abordo, lo tabatin e intencion
di drenta Aruba ilegal. Debi cu ta un embarcacion ilegal,
Gobierno Venezolano no ta dispone di ken tur tabata den
dje y tampoco e cantidad. Solamente famianan sa esey.
A wordo papia di un peñero cu 19 hende abordo, pero e

cifranan ta varia debi cu ta embarcacionnan clandestino.

Segun informacion, hasta mucha tabatin den e peñero.
Tragedia tabata spera nan. No mucho leu di unda cu nan a
sali e boto lo a sink.
E capitan y aparentemente dos persona mas o sea esnan cu
lo ta na mando di e boto a scapa.
Informacion cu ta dispone di dje a indica cu e Capitan a
wordo haya y ta deteni. Un compañero di dje si a logra

huy.

E hoben David Rafael Revilla Colina tabata un di esnan cu
a sali di Paraguana direccion Aruba pa drenta ilegal. Sin
sa cu tragedia tabata spera nan, momento cu e boto a sink.
Diadomingo merdia a cuminsa circula un foto, unda a bin
haya un curpa den estado avansa di decomposision na

costa di Guajira.
Esnan cu conoce David Rafael Revilla Colina a reconoce
e paña y asina a haya sa cu tabata e. Den e area ey no tin
niun hende perdi.
Dialuna a haya un curpa mas, y esaki tabata wanta na un
container di gasolin bashi, pero esaki si no tabatin nada
mas di paña na su curpa. Y despues a sigui haya mas curpa,
indicando cu mayoria a muri.