Page 23 - TTC_Neat

24 AWEMainta Dialuna, 16 Maart 2015

Minister President Mike Eman ta mustra cu atencion
pa un bon calidad di bida a bini di un reflexion profundo

Cu un vision fiho riba un desaroyo cu mester trece
progreso y oportunidad pa un y tur riba nos baranca a
delinea e rumbo nobo di nos Pais
E merito di e logronan desde Status Aparte tabata
evidente den un crecemento rapido y impresionante.
Pero e mesun crecemento grandi aki poni den contexto
di e realidad di e calidad di bida di miles di nos
conciudadanonan, e contraste entre hotelnan di 5 strea
y e deterio di nos barionan, di nos scolnan, centronan
di ciudad, infrastructura, casnan di nos grandinan,
edificionan historico, hospital y nos areanan publico,
mayoria leu di 5 strea tabata pidi pa un refleccion mas
profundo riba sostenibilidad, riba con miho por traduci
progreso economico den bienestar general.
Con por trece mas equidad social den distrubucion di
oportunidadnan di desaroyo y di bienesnan di nos Pais.
Con por percura mihor pa un desaroyo economico mas
diversifica cu oportunidadnan nobo den tecnologia y
ciencia pa hobennan profesional.

Pesey e escogencia pa tanto atencion pa
calidad di bida, Prome Minister Mike Eman
ta subraya un biaha mas. E ta orguyoso di
tur cu tur dia ta traha dura pa nos por haci e
vision aki yega mas cerca di realisacion di un
mihor calidad y circumstancia di bida pa tur y
no algun, manera tabata demasiado aña.
Ban sigui traha cu orguyo riba e Aruba Nobo
aki cu bienestar pa un y tur. Ainda falta hopi
pa wordo haci, Minister President Mike

Eman ta acentua.