Page 17 - MIN ARENDS

AWEMainta Diamars, 11 Juli 2017 35

AVP a tene exitoso reunion LIDER di partido AVP Mike Eman a cana den

cayanan Esmeralda, Rubi y Opal y na final a tene
di contacto den Caya Opal un reunion di contacto na cas di famia Vallejo den

Caya Opal. Presente tambe n’e reunion tabata e
candidatonan di partido berde Carlos Bermudez
y Maurits Malmberg.

Mientras cu tabata sperando riba lider di partido
Carlos Bermudez a papia di e proyectonan cu
Gobierno a realisa, otronan cu falta pa ehecuta
ainda, pa cual ta pidi apoyo di pueblo den e elec-
cion Parlamentario dia 22 di september awor.
AVP, el a bisa, cu siguransa por pidi e pueblo pa
apoyo dia 22 awo.
“Solamente imagina boso e situacion prome cu
2009 y wak rond awendia, mira con Aruba a
avansa, a modernisa. E pueblo por mira unda su
placa a wordo inverti”, el a bisa.

Tambe el a papia di e importancia di automati-
sacion den diferente sector di Aruba.
El a duna e ehempel con na paisnan Europeo y
Mericano, e muchanan no ta cana cu tas cu buki
pisa, cu por laga nan manca pa resto di nan bida.
Tur material educativo ta riba nan laptop of tablet,
y tur material cu studiantenan mester entrega ta
wordo manda via mail electronico.
“Un sistema moderno cu ta percura pa proteccion
di nos medio ambiente tambe”, e politico a splica.

E reunion a tuma luga na cas di dokter Alejandra
Vallejo, kende a bisa cu su curason ta berde. “Mi
a mira e accionnan di Prome Minister, accionnan
cu ta sincero y sin interes alguno”, el a comenta. E
mes a keda contento cu e reunion y participacion
di personanan di diferente nacionalidad. Hopi
pregunta al caso a wordo haci.

Tabatin pregunta riba enseñansa, principalmente
pa personanan special, con esaki por wordo me-
hora. Pero tambe e proceso pa BIG-Registratie ta
algo cu a wordo discuti.
A expresa comprension cu mester existi e sistema
aki, pero lo ta bon pa Gobierno yuda esnan cu
mester pasa den e proceso aki. Esaki pasobra si
esnan gradua den region no tin trabou, e lo ta
un peso economico grandi pa nan por pasa den e
BIG-Registratie.

E candidato Maurits Malmberg a duna un spli-
cacion di su carera te awor, cu a cuminsa na
Hulanda, te ora cu el a dicidi pa bolbe Aruba pa
traha cerca di su role-model, esta Prome Minister
Mike Eman.

Prome Minister Mike Eman a yega tambe na e
sitio, unda cu el a papia cu e publico riba proyec-
tonan di e Gobierno cu el a lidera y e vision cu
e tin pa Aruba y futuro generacionnan. Varios
persona a probecha pa haci algun pregunta y a
haya contestanan satisfactorio.