Page 16 - ATA
P. 16
AWEMainta Diabierna, 15 April 2016 39
“Rosabelle Illis – Title” ESCRITORA Rosabelle Illes a
Diasabra awor ta na introduci diasabra ultimo, bou
van Dorp na Dakota patronicio di Aruba Tourism
pa firma su buki Authority, un coleccion di storianan
p’esnan interesa cortico combina cu poema y
pensamentonan bou di e titulo
“TITLE.” Esaki ta Illes su di tres buki.
Na 2005 el a publica su prome
coleccion di poesia na ingles titula:
“Beyond Insanity” y na 2010 el a
introduci: “Spiel di mi Alma”, un
coleccion di poesia na Papiamento.
Rosabelle su obranan ta explora
topico- y aspectonan di confrontacion
cu bida. Cu su obranan e ta purba di
haya mas y mihor comprondemento
“E inspiracion ta inspira mi. Cu
tur obra di arte crea, mi ta bira
mas curioso pa sa kico e berdad di
e siguiente momento lo bira. Mi
meta ta pa transforma inspiracion
sporadico den conscientisacion
sostenibel”, Illes ta expresa riba su
website.
E obra TITLE ta consisti di 6 storianan
cortico, 21 poema y 3 pensamento.
Entre e poemanan tin 7 dicho cu
a keda ilustra pa Khai Khenti Illes,
cu t’e escritora su sobrino di 1 aña.
Algun di e storianan cortico a keda
publica den revistanan di literatura
internacional, manera e storia
Stars for sale: A buck each – cu
ta conta tocante un persona cu a
bira mentalmente malo como cu e
baristanan na un tienda cu ta bende
koffie continuamente ta skirbi su
nomber robes – a wordo publica den
Gone Lawn Journal na Merca.
Otro storianan cortico of poema
a aparece den revistanan manera
The NewerYork Press n’e ciudad
di California na Merca y HOAX n’e
ciudad di London na Inglatera, entre
otro. Despues di 6 aña cu su ultimo
publicacion propio a keda introduci,
Illes a dicidi di acumula e obranan
cu a wordo publica den revistanan y
añadi algun obra nobo p’asina forma
su di tres coleccion TITLE.
Diasabra awor dia 16 di april
Rosabelle Illes lo ta presente na
Van Dorp Book & Office Dakota pa
presenta y firma su buki p’esnan
interesa.
Rosabelle lo tey di 11.00 a.m te
cu 1.00 p.m. Pues nos ta spera bo
diasabra awor na Van Dorp Dakota.
