Page 27 - AHATA

nan entrada, pasobra e consumidornan (clientenan) kier haya e prijsnan di ayera
mientras cu e materia prima pa nan produci ta rekeri di hisa prijs tambe.

Ta trata aki di personanan cu ta cose of drecha paña, cu fuera di e scarsedad pa haya

hilo, tela y demas na Aruba, loke nan por adkiri ta sumamente caro; varios di nan lo no
“mata nan curpa” pa traha paña pa carnaval.

Trahadornan di hayaca: berdad por mira den diferente supermercado un cantidad di

blachi ainda, siendo cu añanan atras esnan cu a cay laat pa traha hayaca pa e famia
mes, ya pa e fechanan aki e blachinan a caba na tur caminda.

Antes un hayaca un tiki caro pero grandi, no tabata pasa di 7 pa 7.50 florin, awo ta 10

florin y hasta mas. Masha tiki hende ta traha pa bende na menos cu 10 florin, y aunke
ta dushi traha, ta masha chikito mes, casi di grandura di un pastechi of un empanada.

E motibo ta mesun cos: e produccion ta caro! E demanda a baha hopi pasobra e cliente

kier come hayaca pero no kier paga mas cu e prijs bieu y esey sigur cu no por!

Trahador di bolo: Personanan specializa den trahamento di bolo y den e transcurso di
añanan a haya hopi fama pa nan producto delicioso y bon decora, tambe ta pasando

den mesun situacion. E cliente a haci pedido pero basa riba prijs bieu, y ora nan tende
cu prijs a subi, y cu tur razon, nan ta hala atras.

Ta masha poco consumidor cu ta mira nan realidad ta wak e realidad di e otro persona

cu ta brinda e servicio. Y Asina ta sosode tambe cu hende cu ta traha snacks y cu ta
bende den cahita varia y pa cierto cantidad.

Antes nan tabata sobrebibi, maske sea cu poco ganashi, pero aworaki e costo di bida na

un magnitud halto, a trece un cambio desfaborable pa nan, y nan ta sinti den
desventaha y sin alternativa.

Y nan, manera hopi otro ciudadano mas, ta mira cu temor cu pa otro aña e costo di

bida lo subi ainda mas, y esey ta cambia nan perspectiva ainda mas, pasobra mundo
henter mes tan a espectativa di un crisis economico mundial atrobe, cu ta wordo avisa
caba pa expertonan riba economia mundial.