Page 41 - Djamars 5 yuni 2018.pdf

Djamars 5 Yüni 2018 41
Pero e periodo lo
keda hopi peligroso

A baha

pronóstiko pa

intensidat di
temporada di

orkan un poko

WILLEMSTAD.- Nèt
promé ku e temporada
di orkan a kuminsá
ofishalmente djabièrnè
último dia promé di yüni,
ekspertonan a baha nan
pronóstiko di intensidat pa
e temporada nobo un poko.
Pero e temporada ta keda
unu peligroso, asina nan ta
atvertí.
Manera EXTR A a
informá, bista di Caribe ta
hopi dirigí riba e temporada
di orkan nobo ku a kuminsá
i ku ta sigui ofishalmente
te dia 30 di novèmber awor.
E loke a pasa aña pasá ku
orkannan devastador a pone
ku hopi hende den Caribe ta
pendiente pa e desaroyonan
di e aña aki.
Un di e entidatnan ku
tin mas prestigio riba e
tereno di estudio di orkan
ta Colorado State University
(CSU) ku a revisá su
pronóstiko anterior i a baha
e intensidat pa e periodo
ku a kaba di kuminsá.
E Universidat ta sugerí
awor un temporada ku ta
averahe. Segun e último
pronóstiko di e entidat ku
anteriormente a duna un
análisis preokupante, por
spera e aña aki 14 sistema
ku lo haña nòmber. Di nan
6 lo ta orkan di kua dos
lo ta orkannan grandi.
Anteriormente e entidat a
pronostiká 14 sistema ku lo
haña nòmber, shete orkan di
kua tres ta orkan grandi.
E ekspertonan dirigí pa
Phil Klotzbach, a bisa ku tin
41 porshento probabilidat
pa por lo ménos un orkan
grandi pasa den área di
Caribe. “Nos a baha nos
pronóstiko i awor nos ta kere
ku e temporada di orkan di e
aña aki lo ta unu averahe”,
asina e tim ta bisa. Nan a
atvertí sinembargo ku un
orkan so por hasi hopi daño
den kualke área, sea ta
den Caribe òf ora nan yega
Merka.
Aña pasá tabatin 17
sistema ku a haña nòmber,
di kua 10 tabata orkan i 6
tabata orkan grandi. Tabata
e di sinku temporada di
Sigui lesa pagina 42