Page 18 - MIN ON - MICHELLE HOOYBOER WINKLAAR 28 SEPT,2015

E ta logico cu e enfoke den e sistema di enseñansa Hulandes ta pa midi dominio di Hulandes.
Actualmente enseñansa secundario na Hulandes ta e unico opcion cu nos conoce den nos sistema
educacional publico y subsidia na Aruba.

E ultimo añanan nos ta constata un desaroyo grandi den e populacion di Aruba y tambe di e rol
di idiomanan den nos comunidad y bou di nos hobennan y e efectonan directo cu esaki tin den
nos enseñansa. E sistema cu “one size fits all” no ta valido mas y e necesidad awo ta urgente pa
diversifica nos enseñansa.

Minister Hooyboer-Winklaar ta kere cu nos no mester inventa e wiel di nobo pero mester tuma
nota di “best practices” y opcionnan ya desaroya y reconoci mundialmente y den region. Durante
e ultimo bishitanan di trabou di Minister Hooyboer-Winklaar na entre otro Sint Maarten, Canada
y Merca, e titular di enseñansa a probecha orienta riba diferente sistemanan di enseñansa cu ta
existi actualmente. Por ehempel na Sint Maarten, Minister Michelle Hooyboer-Winklaar tabata
hopi interesa den e rol di e idiomanan Ingles y Hulandes den scolnan secundario. Aki por a mira
scolnan secundario publico completamente na Ingles cu conoce un curiculo y examinacion di
Caribbean Examination Council (CXC) cu ta un cooperacion entre 15 paisnan unda ta papia e
idioma Ingles den Caribe. Banda di e curiculo di CXC por a tuma nota tambe di scolnan cu ta
ofrece e IB-diploma program, un programa internacional y prestigioso di “The International
Baccalaureate Organization”. E IB-program ta un curiculo internacional cu ta ser ofrece
actualmente na 3800 scol den 147 pais na mundo. E diploma aki ta ser reconoci pa tur
Universidad internacional. Otro opcion cu por a tuma nota di dje ta scolnan conforme sistema
Hulandes pero caminda enseñansa ta wordo brinda na ambos idioma nan Hulandes y Ingles. E
scolnan ta afilia na e Dutch Network of Bilingual Schools y ta forma parti di e proyecto
Tweetalig Onderwijs (TTO) cu ta ser sosteni door di Europees Platform.

Minister Hooyboer-Winklaar ta reconoce cu educacion mester ta un reflexion di loke bo
comunidad y economia tin mester di dje y aki idioma tambe ta sumamente importante. Mirando e
rol importante cu particularmente Ingles conoce den nos comunidad y economia na Aruba,
Minister Hooyboer-Winklaar ta kere cu mester duna Ingles un rol mas grandi den nos enseñansa.
No solamente e rol di Ingles pa nos economia ta hacie importante pero tambe e hecho cu nos
studiantenan cada aña mas y mas ta optando pa sigui un estudio na Ingles den region of na
Hulanda mes. Esaki ta un indicacion cu nan tin mas afinidad cu e idioma aki y ta mira mas
oportunidad di por ta exitoso door di studia na Ingles. Siguiendo e desaroyonan di Hulanda di
serca nos por mira cu Hulanda mes ta bayendo mas den e direccion di Ingles.

Ambos enseñansa superior ta ofreciendo cada aña mas estudio na Ingles y enseñansa secundario
conoce varios scolnan bilingual cu ta ser subsidia door di Union Europeo. Esaki ta un desaroyo
cu Ministerio di Enseñansa di Hulanda, esta OCW, mes a confirma na Minister Hooyboer-
Winklaar.

E vision di Minister Michelle Hooyboer-Winklaar ta pa diversifica nos enseñansa door di ofrece
mas opcion na alumnonan y mayornan. Tin un demanda grandi pa studia na Ingles y si nos por
garantisa calidad y brinda un curiculo cu ta garantisa conexion cu enseñansa superior na Hulanda
y den region nos tin e deber pa explora e posibilidad aki. Pa finalmente logra diversifica nos