Page 19 - 25June2022

DIASABRA 25 JUNI 2022 DIARIO PAGINA 19

Dakota campeon di futbol division honor

ORANJESTAD (AAN) – Diaranzon tabata tin e di dos wega pa final di
futbol pa Campeonato Division Honor, entre e teamnan Dakota y RCA.
Mester bisa cu e wega aki tabata hopi interesante mirando cu ya Dakota
a gana su prome wega caba y si e gana of keda empata e wega nan
lo bira campeon. Y esaki tabata enberdad e caso cu a sosode caminda
despues di un tremendo partido e team di Dakota a titula campeon.
Pa Dakota e golnan a wordo anota pa Fernando de Sousa na di 6 y 85
minuut. Y pa RCA Jean Luc Bergen na di 63 y 74 minuut.
Despues di wega tabata tin entregamento di premio na e hungadornan
y team campeon. Un pabien na ambos partido cu un tremendo final di
campeonato division honor.