Page 11 - MIN JUS_Neat

update pa loke ta e Tormenta Tropical Bret, cu ta siguiendo su rumbo pa islanan ABC. Segun director di Meteo, Mark
Oduber, a mantene e informacion cu tin y no a bay den un Tropical Storm Warning pasobra no tin motibo pa esey.

Cualkier aviso cu tin cu ta Sever Thunderstorm Warning y ta mantene aviso pa lama. E ciclon tropical ta mas of
menos un 700 km zuidoost di Aruba. Proyecta cu parti marduga pa mainta e ta un 64 km noord di Aruba. Mayoria di
bientonan fuerte ta kedadando panort di Aruba segun proyeccion di Hurrican Center. Y mayoria di modelonan ta
concorda cu esey. Manera cu e sistema ta pasando panort di nos e ta bay ta perdiendo forsa tambe den un storing
den e bovenlucht net den e parti central di Caribe. Pesey mayoria di bientonan fuerte y awasero ta kedando panort di
e sistema actualmente. E aire ta keda humedo y instabil cu nos por haya awasero e proximo 24 ora y pesey aunke nos
keda bao di un Tropical Storm Watch ta indica cu por tin awasero den oranan di marduga, e ora ta bira diamars
anochi pa diaranson marduga. Localmente e por cay mas of menos un 10 pa 25 milimeter, por ta tiki mas, depende
unda e nubianan pasa.

Biento
Oduber ta sigui splica cu biento lo bay ta birando mas noordoost durante dia di diamars y forsa lo keda 11 pa 27
nudo. Por ta rato rato tiki mas fuerte. Durante pasahe di e ciclon tropical panort di nos, aunke e ta perdiendo forsa,
pero toch e ta keda proyecta cu e lo mantene como ciclon panort di nos, e ora e biento lo ta por ta di direccion oost,
pero rato rato por varia y e forsa lo keda 11 pa 27 nudo maximo 33, por ta den un rafaga chikito di awasero di 40
nudo. Manera cu e sistema pasa nos parti mainta, mayoria chens di awasero lo ta menguando parti diaranson, lo
mira e biento mas zuidoost tambe cu un forsa cu ta normalmente pa Aruba cu ta entre un 11 pa 27 nudo, rafaga te 33
nudo.

Lama
E parti maritimo tin un Marine Advisory valido, cu ta principalmente pa costa nort di Aruba unda ta anticipa lama cu
resake for di direccionnan oost y noordoost. Lama su haltura ta 5 pa 10 pia. Parti Zuid di Aruba no ta premira ainda
problema pasobra e sistema akinan ta mucho debil y no tin mucho biento for di west. E ora eynan ta mantene un a 3
pia y maximo 2 pa 4 pia. Riba su mes no ta anticipa lama bruto parti zuid of west di Aruba. E efecto riba hotel na
Aruba ta keda tiki minimo. Y ta mas e parti noordkust lama ta tiki bruto. Pero hopi hende ta custuma cu lama parti
noord ta bruto. Dus no ta algo for di normal tampoco.

En resumen
Resumiendo, e parti di impacto, chens di awasero awor aki mes tin chens pasobra tin un ola tropical ta pasando pero
mas den oranan di diamars anochi pa diaranson marduga e chens ta bay ta aumentando, aunke cu parce mayoria di
awasero ta keda manteni panort di nos pero toch ta keda mantene e chens di awasero debi na aire humedo y instabil.
No ta descarta cu e ta wordo compaña cu algun lamper y strena. Durante mainta di diaranson ta haya e chens di awa
cu ta menguando.
Esey ta mayoria di efectonan relata cu e sistema tropical aki. Si e debilita mes durante dia, toch mester corda cu e
chens di awa ta keda, pasobra un ola tropical of depresion tropical semper ta bin cu basta awasero. Pesey ta tiki
cauteloso cu e chens di awasero, pasobra hopi biaha e ta regenrijk. Pa cualkier aviso, si un tempestad di awasero hopi
pisa ta acercando Aruba, e ta bay ta un aviso local. Esey ta e unico cambio cu lo tin. Tropical Storm Warning no ta
premira cu tin un motibo.
Den awasero no por descarta e rafaga, pero ta parce cu si awasero yobe por ta tin tiki biento, pero no ta haya cu e
biento ta keda basta largo fuerte. Si e ciclon mes pasa pazuid di nos y mayoria di weer ta pasando awor akinan. Te
ainda no ta premira esey.
Tur departamento ta cla pa cualkier eventualidad cu por bin

cu "Bret"

Tuesday, 20 June 2017 11:59
Comparti