Page 25 - MIN JUS_Neat
P. 25
TROPICAL STORM WATCH VIGENTE PA
ARUBA CABA PROME MINISTER MIKE
EMAN TA PIDI PUEBLO SIGUI CANALNAN
DI INFORMACION PA POSIBEL MAL TEMPO
NA CAMINDA
20/06/2017 Admin Uncategorized Leave a comment
ORANJESTAD – Un rato despues cu Prome Minister Mike Eman a tene un
conferencia di prensa dialuna mainta hunto cu meteorologo Marck Oduber riba e
mal tempo cu ta formando den Atlantico, a drenta e informacion cu un Tropical
Storm Watch a drenta na vigor. Si e mal tempo aki bira horcan e lo haya e
nomber di Bret.
E Prome Mandario di pais Aruba a haya importante pa bini den un conferencia di
prensa for di prome instante pa informa ciudadanonan di desaroyo di e
fenomeno natural aki. “Aunke nos ta spera si cu na momento cu e yega mas
cerca di nos isla e lo no tin un impacto grandi, pero como cu nunca nos no por
sa esaki cu siguransa, nos kier duna e informacion necesario,” e mandatario a
cuminsa su conferencia di prensa bisando.
Ta trata di un tempo cu lo por yega na tin un of otro efecto riba Aruba entre
diamars y diaranson, y cu dialuna den oranan di mainta tabata na mas o menos
660 km zuid-oost di Trinidad. E ta un tempo cu Servicio Meteorologico a bin ta
siguiendo di cerca pa algun dia caba. E mandatario a enfatisa cu no ta e idea pa
trece inkietud den comunidad, pero toch kier pa comunidad completo sigui
desaroyo di e tempo aki di tempran. “E ta un tempo cu ora e drenta lamanan di
Caribe, e por varia di intensidad birando mas of menos intenso. E ta keda algo
dificil pa calcula.” Y a señala e experencia recien unda cu e cambio di tempo a
tuma comunidad di sorpresa, ora cu esaki sosode den oranan di madruga. Den e
ultimo yobida fuerte tin dañonan cu no por a wordo evita, el a bisa, pero tabatin
parti di e daño cu tabata evitabel, si por a anticipa e situacion cu mas
informacion na habitantenan di e areanan cu ta conoci pa inundacion. Un di e
precaucionnan cu por a tuma ta hisa nan materialnan na un nivel suficiente halto
pa minimalisa e daño di awa. “Pero ni cuanto riool nos haci limpi, ta bay tin
cierto momento cu lo tin areanan di inundacion si awa basha den intensidad
halto. Pesey nos kier ta hopi adelanta cu informacion, aunke cu nos ta lanta
