Page 21 - MIN ARENDS_Neat

AWEMainta Diabierna, 14 Juli 2017 25

Summer Courses 2017, ofreciendo curso pa nos hobennan!

Fundacion Parlamento hubenil

Aruba ta presenta e di shete

edicion di Summer Courses

FUNDACION Parlamento Hubenil Aruba ta organisa nan
proyecto anual “Summer Courses 2017”. Summer Courses ta un
proyecto sumamente exitoso y sigur cu e aña aki esaki no lo ta ex-
epcion! Summer Courses ta dirigi pa hobennan di edad 14 pa 23
aña den nos comunidad.
E cursonan lo tuma lugar dia 17, 18 y 19 di juli 2017 na Piedra Plat
Entertainment Center cuminsando for di 9:00 di mainta. Registra-
tion lo cuminsa for di 8:30 di mainta.

E aña aki lo tin diferente curso sumamente atractivo pa nos hoben-
nan. E cursonan lo ta e. o. conoce bo mes, communication skills,
time & project management y tambe public speaking.
E lo ta tres dia y lo ricibi cuater workshop pa dia.
E aña aki e comision organisador di Summer Courses haci hopi
enfoke pa haci cursonan hopi mas interactivo. Summer Courses
lo ta diferente for di e añanan anterior. Lo maak mee un Summer
Courses ful diferente.

Parlamento Hubenil ta kere cu nos hobennan mester por ta hopi
mas activo y productivo den vakantie grandi, ta p’esaki mes a bin cu
e inciativa pa bin cu un proyecto asina, stimulando e “continiuous
learning” di nos hobennan.
Si bo ta un hoben cu lo ta bayendo studia afo e aña aki, esaki sigu-
ramente lo ta un bon oportunidad p’asina bo prepara bo mes cu tips
p’e bida nobo como futuro profesional.

Lo tin bus saliendo for di 7:00 di mainta for di Centro di bario Lago
Heights sigui pa Theresita Center, Centro di Bario Brazil, Centro
di Bario Savaneta, Club Universal na Pos Chikito y pa ultimo Club
Estrella pa yega 8:30am Piedra Plat Entertainment Center.

E prijs pa tur 3 dia ta di ALF. 15 florin of por paga 7,50 pa dia. Pa
inscribi y forma parti di Summer Courses por tuma contacto cu
Parlamento Hubenil na 5886860/ 5838856 of na youthparliamen-
taruba@gmail.com of tambe por pasa na nan oficina situa na YMCA
Dakota entre 9:00 di mainta pa 5:00 di atardi.

Kier a gradici e sponsornan cu a contribui na Summer Courses 2017
cu ta CEDE Aruba y Feria Social, Maggy’s Aruba, Boolchands y Sams.