Page 25 - HOH

Por ehempel, e problematica di specialismo di wowo cu ta pendiente pa Januari 2020
bin un specialismo di wowo como reemplazo di loke tabata Dr. Peter Slager te aworaki,
a señala.

“Esey ta un area unda ya caba sa cu tin un necesidad pa drecha esaki”, Vocero di AZV,
Solange Tchong a bisa den entrevista cu DIARIO.

Tin otro specialismonan cu den 2020 kier sigui mehora y banda di esey percura tambe

pa e proyectonan den cual a inverti cuminsa cana.

ImSan a laga sa caba cu nan ta practicamente cla pa cuminsa draai. Esaki ta un bon
noticia pasobra ta algo cu AZV ta apoya. Aunke e gastonan di cuido lo bay subi, AZV ta

pensa cu ariba termino largo esaki lo ta algo positivo pasobra di un banda ta inverti
aworaki hopi placa y kizas ta bay tin un crecimento den gastonan, pero na largo plazo
ta bay resulta positivo (return of investment) pa Aruba.

E ora no lo mester manda hendenan den exterior. E cifranan ta rond di 1200 pa 1500
pashent pa aña cu ainda ta bay afo pa haya cuido medico, e vocero di AZV a laga sa.

Awor door di ofrece cierto cuidonan tanto den Hospital como na ImSan, na termino

largo lo ripara cu esaki lo sali mas beneficioso den placa pasobra lo duna cierto
cuidonan aki na Aruba mes, Tchong a declara.

AZV lo sigui purba cumpra e cuido medico den exterior mas eficiente cu por. Nan ta

sigui traha cu nan procesonan unda ta haya diferente oferta pa asina AZV por cumpra
un pakete.

Tchong a indica cu nan lo keda monitoria esaki estrictamente y ta keda purba di

cumpra di un manera mas eficiente y den balans. Tin cu percura tambe pa e calidad di
cuido ta bon.

Loke AZV kier yega na dje ta pa e pashentnan haya e tratamentonan na Aruba mes y

baha e cantidad di tratamento cu ta bay afo. E ta beneficioso den e factor placa, pero
tambe den e bienestar y calidad di bida di e pashent.