Page 8 - AHATA

2 LOCAL AWEMainta
Bibando riba tempo fia:
E crisis silencioso di debe di consumidor
DEBE di consumidor a bira un di e forsanan mas silencio-
samente destructivo den bida moderno. E no ta anuncia su
mes cu alarma of titular di noticia. E no ta sinti manera un
crisis na cuminsamento. Enbes di esey, e ta crece pocopoco
y den silencio, ta drenta den rutinanan diario te ora e ta
klem manera un conopi rond di bida di hende comun. Loke ta
cuminsa como compras chikito, pagonan flexibel, of credito
“temporario” ta escala rapidamente den un carga financiero
a largo plaso cu miyones di hende ta lucha pa scapa di dje.
Nos ta biba den un mundo diseña pa haci gastamento
facil. Tur cos ta wordo mercadea como simpel, accesibel, y
instantaneo — “zero down,” “liber di interes,” “djis un pago
chikito.” Pero tras di e conveniencia ey tin un realidad duro:
debe di consumidor a evoluciona den un sistema cu ta encu-
rasha hende pa biba pafo di nan alcance y ta castiga nan pa
purba sali bek.
Con debe ta tuma control den silencio
Mayoria hende no ta cay den debe pa motibo di iresponsab-
ilidad. Nan ta cay pasobra presion financiero a bira parti di
bida diario. Costo di bida cu ta subiendo, salarionan stagna,
y publicidad constante ta crea un panorama unda credito
ta sinti manera e unico forma pa sobrevivi. Un credit card
ta yena e bashi entre pagonan di salario. Un plan di pago
ta cubri un necesidad cu diripiente a bira mucho caro. Un
fiansa chikito ta yuda cubri un cuenta inespera.
E decisionnan aki ta sinti inofensivo na e momento. Pero
debe tin un manera di multiplica. Interes ta acumula den
silencio. Pagonan minimo apenas ta haci un diferencia.
Den poco tempo, hende ta haya nan mes ta malabaria cu
multiple pago tur luna — cada uno chikito, pero colectiva-
mente abrumador.
Debe no ta bati na porta. E ta slip drenta via e ‘gleuf’nan.
Diaranson, 19 November 2025
E psicologia tras di e trampa
Debe di consumidor ta asina efectivo pasobra e ta probecha
di custumber y emocionnan humano. Companianan sa
exactamente con pa diseña ofertanan cu ta activa impulso,
conveniencia, y optimismo. Nan ta conta riba e hecho cu
hende ta subestima con pagonan den futuro lo afecta nan.
Nan sa cu clientenan lo sobrestima nan habilidad pa “pag’e
despues.”
Esaki no ta accidental. E ta ingenieria. E facilidad di apro-
bacion, e simplicidad di transaccionnan digital, e presion pa
mantene un cierto estilo di bida — tur esaki ta alimenta un
ciclo unda hende ta gasta placa cu nan no tin realmente.
No pasobra nan ta iresponsabel, sino pasobra e economia
moderno ta structura rond di consumo constante.
E ilusion di progreso
Un di e mitonan mas perhudicial ta cu haciendo pagonan
minimo ta nifica cu bo ta manehando bo debe. Den real-
idad, e pagonan ey ta diseña pa mantene hende pagando,
no progresando. Prestamistanan ta saca ganashi ora e debe
dura mas largo. E sistema ta beneficia ora hende keda pega.
Y cu prijsnan subiendo y incertidumbre financiero, mas famia
ta uzando credito djis pa keda riba awa. Debe di consum-
idor no ta un sintoma di gasta di mas mas — el a bira un
mecanismo di supervivencia pa hogarnan bou di presion.
Un crisis scondi na bista di tur hende
Debe di consumidor ta tur caminda, pero masha poco ta
wordo confronta. El a wordo normalisa, paketa, y disfrasa
como conveniencia.
Pero bou di e capa ey tin un crisis creciente cu ta seca stabi-
lidad financiero, salud mental, y siguridad a largo plaso.