Page 4 - FDLP
P. 4
22 AWEMainta Diamars, 19 November 2019
Aruba Open Beach Tennis:
Un exitoso evento deportivo di mas grandi na Aruba
DIADOMINGO ultimo, a yega su
final, e evento mas grandi di deporte
na Aruba y alabes e evento number
uno di mundo, esta Aruba Open Beach
Tennis 2019.
Bushiri Beach Arena, e localidad nobo
p’e deporte de beach tennis, a pasa su
test y a score un 100.
Pa loke ta trata e resultadonan, den
categoria femenino, Giullia Gaspari
(ITA), campeon di aña pasa, a retene
su titulo, pero cu otro partner, kende
tabata Sofia Cimatti (ITA). Nan a
logra vence, sigur un ekipo cu a sor-
prende hopi, esta Marcela Vita (BRA)
y su partner Veronica Casadei (ITA)
cu un score di 63 / 64.
Pa loke ta categoria masculino, Mi-
chele Cappelletti, kende a gana den
2017 hunto cu Luca Carli, un biaha
mas ta team up cu Alessandro Calbuc-
ci pa purba haña su titulo bek. Nan
mester a enfrenta e duo campeon di
2018, esta Tomasso Giovannini (ITA)
y Nikita Burmakin (RUS). For di co-
mienso por a tuma nota cu Capa y Cal-
bu, cariñosamente yama den e mundo
di beach tennis, a domina e wega por
completo. Den dos set, cu score di 75
/ 63, nan ta keda como e ganador nan
maximo.
Asina ey e anochi e termina, cu e cer-
emonia di entregamento di premio y
despues di esaki a sigi cu e after party.
Nos di Beach Tennis Aruba kier a
gradici cada un di nos sponsornan,
cada un cu a participa, cada un cu a
bin wak e weganan y asina aki aporta
pa a haci e evento aki uno sumamente
exitoso. Otro siman ya caba lo anuncia
fecha pa 2020.
