Page 53 - FDLP

E wega aki lo wordo hunga pa 7’or di anochi den SDK caminda e seleccion di Aruba lo

por logra su pase pa e siguiente buelta si e logra un triunfo di 2-0 caminda e golnan anota

como bishitante lo hunga un rol importante pa e ekipo di Aruba.

Diabierna anochi e seleccion cu ta bou encarga di e entrenado Hulandes, Martin

Koopman, a cuminsa hunga e sistema di 4-4-2 cu Eric Abdul den gol, defensanan tabata

Glenbert Croes, Marlon Pereira, Nickelson Paul y Noah Harms mientras cu den medio

campo a hunga Francois Croes, Erik Santos, Leroy Oehlers y Gregor Breinburg y e dos

delanteronan tabata Josua John y Terence Groothusen.

Aruba a cuminsa e partido den forma espectacular caminda Glenbert Croes ta habri e

marcado y pone su ekipo ariba 1-0 pero e bentaha no a dura mucho ya cu Guyana ta logra

empata algun minuut despues na 1-1. Sinembargo Aruba ta bolbe tuma bentaha den e

prome tempo ora cu Gregor Breinburg logra e 2-1 cu sin duda tabata mustra hopi

prometedor. Sinembargo dos minuut prome cu halftime, Guyana ta logra di empata e

partido na 2-2. Den di dos tempo si Guyana a pone presion y ta bon logra dos gol mas pa

asina e ekipo di cas logra un triunfo di 4-2.

E wega di dialuna anochi lo cuminsa pa 7’or di anochi caminda e seleccion di Aruba

despues di yega Aruba diadomingo anochi, lo bula dialuna mainta mes destino Corsou

pa asina completa nan compromiso den e torneo aki. Aruba por logra su pase pa e

siguiente buelta si e logra un triunfo di 2-0 caminda e dos golnan anochi na Guyana, lo

bay conta dobel cu ta duna Aruba un bentaha den e marcado di 6-4 pero si Guyana logra

di anochi, e situacion lo bira mas dificil mirando cu e gol di Guyana tambe lo conta

dobel. Den e wega di diabierna Aruba a haci tres cambio caminda den di dos mita a