Page 13 - AAA JUNI 23,2015
P. 13
PAWA di Republica Dominicana lo cuminsa bula pa Aruba
Publication: Tuesday, 23 June 2015. Categoria: General
ORANJESTAD (AAN) E aerolinea Pawa
Dominicana parce ta masha interesa den e islanan Hulandes den Caribe. Nan a anuncia
recientemente cu entrante augustus awor nan lo cuminsa cu nan operacionnan cu vuelonan pa e
islanan di Sint Martin, Aruba y Corsou saliendo for di Aeropuerto Internacional de Las Americas
José Francisco Peña Gómez.
Ehecutivonan di e compania den un declaracion duna na prensa di e pais merengue, a bisa cu nan
haya certificacion caba y tambe e permisonan pa bula di parti di autoridadnan Dominicano.
PAWA a informa di mesun manera, cu den un di dos fase nan lo baha den e capital
Puertorriqueño di San Juan, como tambe na Miami, New York y La Habana, Cuba.
E aerolinea a informa cu nan a ricibi e certificacion di Instituto Dominicano di Aviacion Civil
(IDAC) y di e Hunta di Aviacion Civil JAC, pa cuminsa nan operacion di vuelonan comercial di
pasaheronan cu matricula Dominicano, como linea aereo bandera.
Siman pasa tambe tabata na Aruba Minister di Integracion Regional di Rep. Dominicana, Miguel
Mejia, kende tabatin diferente encuentro na Aruba. A papia di estrecha e lasonan entre Aruba,
Corsou y Rep. Dominicana.
Basa riba tur e reunionnan cu a tuma luga na Aruba, ta probabel cu pa fin di e luna aki por tin
firmamento di un “Memorandum of Understanding” cu e islanan Hulandes den Caribe, cu ta
inclui Aruba tambe. Despues cu firma e MoU aki, lo sigui cu e siguiente fase cu ta negociacion y
firmamento di Acuerdonan Bilateral entre Rep. Dominicana y cada un di e paisnan aki. E meta
tras di firmamento di e documentonan aki ta pa incentiva mas cooperacion bilateral.
Aruba ya caba tin negociacion andando, por medio di Minister encarga cu asuntonan di
Agricultura Otmar Oduber, pa importacion di diferente producto Dominicano. Esaki lo por
sosode mas rapido si mira cu recientemente Hulanda a firma un acuerdo maritimo cu e pais
Merengue aki, cu ta permiti un barco haci biahenan entre e paisnan ey y e islanan Hulandes. Ta
trata di un biahe di 28 ora y lo permiti “pa e productonan Dominicano yega Aruba na un miho
