Page 57 - KPA

AWEMainta Diamars, 22 Augustus 2017 3

Minister Arthur Dowers a ricibi bishita di Secretaris General Minister van Binnenlandsezaken en Koningkrijkrelaties Richard van Zwol

Hulanda ta reconoce e trabao haci

dor di Guardacosta y Cuerpo Policial

MINISTER di Husticia, mr. drs. Arthur Dowers a ricibi bishita
di Minister di Asuntonan Interior y di Reino di Hulanda, Richard
van Zwol pa combersa riba diferente topico.
E Minister Hulandes tabata den un bishita di despedida y durante
e reunion a bin dilanti un cantidad di reconocimento haci na
Guardacosta y Cuerpo Policial pa loke ta maneho di e problema
cu tin na Venezuela.

Minister Dowers a indica cu a logra na un forma hopi ordena di
tene mayoria di hendenan cu tabata purba drenta nos pais, afo.
Banda di esaki a papia riba e sosten na Guardacosta.
E mandatario a agrega cu Hulanda a priminti, mas cu un aña pasa,
cu lo a pone medionan financiero adicional pa Guardacosta p’asina
por actualisa e sistema di Radar y nan no a haci’e.
“Nos riba nos mes a paga pa traha e pilot project caminda cu a
determina exactamente unda mester pone e radar extra pa cera e
ultimo buraco cu tin”.

Hulanda, na e momento aki a bisa cu nan ta bay pone medionan
financiero adicional pa Guardacosta, asina Minister Dowers a duna
di conoce. Esaki ta sigur un bon noticia, el a expresa.
Loke mester mira ta si esaki ta bay bin riba termino corto y si esey
no ta e caso mester percura pone fondonan p’asina tin henter nos
isla bon cubri.

E sentimento general di Hulanda ta cu e trabao haci den e ultimo
añanan ta uno di un nivel sumamente halto.
“Un biaha mas mi por felicita nos Cuerponan pa a haci un tremendo
trabao”, e mandatario a remarca.