Page 38 - DESPA

bon den comunicacion of tabata tin un parti di servicio cu nan no ta di acuerdo cun’e,

segun vocero di AZV, Solange Tchong.

AZV desde dos pa tres aña pasa, a pone e ora dos periodo cu e cliente por cambia di

dokter di cas. Ta dos periodo fiho y dos periodo, unda cu e pashent mes por bay

directamente na e dokter di cas pa haci peticion pa cambio. Es decir cu e por inscribi e

ora na un otro dokter di cas.

Ta asina cu semper AZV a brinda e servicio aki. Sin embargo e aña aki tin toch un reto na

unda cu a wak cu e cantidad maximo cu tin na e dokternan di cas cu ta e 2475 pashent,
mayoria di nan ta riba e cifra aki caba.

Kico esey ta bisa

Esey ta nifica cu tin varios dokter di cas cu no tin luga actualmente pa tuma pashentnan

cu kier haci cambio. Consecuentemente AZV di su banda a dicidi di manda e

informacion aki. AZV ta manda notifica tur asegurado cu si ta interesa pa cambia di

dokter di cas, cu actualmente awo ta hopi dificil pasobra cu no tin luga na e dokternan di

cas. AZV, manera cu sa, semper ta den combersacion cu e dokternan di cas por medio di

nan asociacion y loke a sosode ta cu tin palabracionnan over di e cantidad maximo cu nan

por tin, dus con grandi nan practica mag ta. Pero banda di esey tambe tin palabracionnan

cuanto ta e cantidad di luganan cu bo kier cada biaha pa tin por ehempel habri pa

reciennan naci, esta parehanan cu a caba di haya baby of personanan cu ta bin for di
exterior cu kier inscribi na AZV.