Page 19 - AWEMAINTA
P. 19
Diamars, 3 Maart 2020 AWEMainta 19
Aruba Tourism Authority cu
Reconocemiento special
pa su miembronan
di ekipo na Europa a
honra y gradici pa 5 te
cu 15 aña di servicio
RECIEN, un delegacion di Aruba Tourism Authority a
biaha pa Europa p’asina atende varios reunion impor-
tante. Ademas, a honra 4 miembro di ekipo di Aruba
Tourism Authority, cu a celebra nan aniversario y cu
hunto a yega na 40 aña di servicio.
CEO di ATA, sra. Ronella Tjin Asjoe-Croes a habri e
anochi ameno cu palabranan di elogio y aprecio p’e
ekipo di ATA expresando cu sin nos hendenan ATA
simplemente no por contribui di e manera cu e ta haci
na turismo pa Aruba.
Tambe a añadi cu sin esfuerso di ATA Europa no lo
a mira exitonan cu nos a conoce den nos turismo du-
rante e ultimo añanan. Cada miembro di e ekipo ta
aporta n’e exito di e compania y na bienestar di nos
industria turistico.
Ademas, a expresa un palabra di danki tambe na
famianan di e nominadonan pa nan aporte y sosten.
Tambe no por keda sin para keto n’e hecho cu e ofici-
na aki a gana ‘Oficina di Turismo di Aña’ na Hulanda
algun siman pasa!
Cada nominado di aniversario di ATA a wordo pre-
senta pa un clip cortico di nan persona, unda colegan-
an a bisa algo balioso di nan dunando asina un elogio
n’e nomidadonan.
CEO di ATA a entrega na cada nominado un aprecio
personalisa den forma di un pendant cu e logo oficial
di Aruba imprimi.
Pa 5 aña di servicio a keda honra Elton Barbour -rep-
resentante di benta pa Europa. Esnan cu a keda hon-
ra pa 10 aña di servicio ta Jaap Ellis –Manager di
Mercadeo y Benta pa Europa y Caresse Imon – asis-
tente di management pa Europa.
Y finalmente, pa 15 aña di servicio a keda honra Tirso
Tromp kende t’e Area Director pa Europa.