Page 18 - KPA

AWEMainta Diahuebs, 12 October 2017 5

Turista bou influencia

causando problema a

keda deteni

DIAMARS anochi polis a bay un high rise hotel
pa un turista bou influencia. Na yegada polis ta
wordo mustra unda e cabayero turista ta. Agentenan
a bay papia cune y a splike p’e bay sosega y stop di
molestia otro hendenan. E momento ey ela keda di
cumpli cu polis, pero asina cu e polisnan a bay for di
e sitio e persona aki a bolbe cuminsa hasi fastioso.
Polis a bolbe n’e sitio y e biaha ey a dicidi di detene
e turista y a transporte pa warda p’e relax y stop di
causa molester.

Hefe di Registro

Civil y Censo hunto

cu CSE ta gradici

HEFE di Registro Civil y Censo conhuntamente
cu Presidente di Conseho Supremo Electoral, kier a
manda un agradicimento na tur persona cu di un of
otro manera a duna nan aporte n’e proceso electoral
2017 entre otro: e coleganan miembronan di Conseho
Electoral, personal di DOW, KPA, KIA, Buvo, Dr.
Horacio Oduber Hospital, S.A.B.A, y muy en especial
coleganan di Censo y tur e miembronan boluntario
di e urnanan y nan Presidente.
“Boso aporte n’e proceso democratico di eleccion
2017 ta sumamente valioso y altamente aprecia.
Un bon ciudadano ta inverti oranan largo pa su pais
y su democracia, sin tin bista riba recompensa finan-
ciero p’e trabou.
E recompensa ta cu bienestar general ta ser sirbi na
prome lugar. Un bon ciudadano ta contribui na su
sociedad, ta patriotico, honesto, confiabel, mustra
responsabilidad y disciplina propio, tin corahe y un
compas moral pa semper haci loke ta correcto.
Un biaha mas, masha danki”