Page 31 - HOSPITAAL

Pa por maneha nan malesa optimal, pashentnan diabetico di Botica di Servicio cu ta uza

insulina, ta dispone di un pakete di midimento di sucu. E paete aki ta consisti di entre otro

un glucosemeter. “Nos a pasa pa un otro marca di meter,” segun Stacy Greaux,

Apothekerassistente. “Pa por garantisa e precision di e meternan nobo, hunto cu AZV a

dicidi pa un biaha pa aña, bin cu un control.”

Desde e cambio aki, e asina yama HTone Glucosemeter, na principio di 2017, mas of

menos 1800 pashent ta dispone di e meter nobo aki. E prome grupo di pashent a ricibi
algun siman pasa un invitacion di e Diabetespost di Botica di Servicio pa laga controla

nan meter. Lennert van der Poel, director di Botica di Servicio ta conta: “E

glucosemetercontrole ta wordo hopi aprecia pa e pashentnan y nos ta contento cu esey.

Ta prome biaha cu a bin cu un glucosemetercontrole na Aruba, pero sigur esaki no ta e

ultimo. Hunto nos ta percura pa e cuido cada biaha ta mas miho.”

E HTone Glucosemeter nobo ta, segun cu a spera, di un calidad tremendo. Durante e

siman di control, unda cu a tene countertest pa e laboratorio, apenas den tres meter a haya

fayonan minimal. E pashentnan, pa tur siguridad, a ricibi un meter nobo. Stacy Greaux:

Na comienos di otro aña, nos lo invita e di dos grupo di pashent pa un control di nan

meter.

Pashentnan cu entre tanto tin duda riba e precision di nan meter, por tuma contacto cu e
Diabetespost di Botica di Servicio na telefon 7300536.