Page 28 - AHATA

E cifranan ta 4 % mas cu aña pasa y e prome kwartaal di 2018 tabata hopi bon
compara cu aña pasa. Un di e retonan cu tin ta cu ora cu bo tin un ocupacion di 93%,
basicamente bo no tin mas luga. Y loke ta pasa cu e prijs pa e cantidad di bishitante pa
camber ta subi, y esaki ta door di cu e demanda ta surpasa e oferta y pesey hotelnan

por cobra mas pa e camber.

Pero si esaki lo sigui asina, Sr. Hepple no por bisa. Kico lo pasa ora cu hotelnan cu a
daña den e temporada di horcan aña pasa, cu awo ta habriendo nan portanan bek.

Tambe tin hotelnan nobo habriendo na Jamaica, Republica Dominicana etc, nos mester
keda competitivo.

A pesar cu Aruba tabata tin un prome kwartaal sumamente positivo, tin

preocupacionnan cu esaki no lo continua pa henter e aña.

Tur hende, es decir minister y sindicatonan ta papiando di boutique hotel na Savaneta y
San Nicolas y basicamente, segun Sr. Hepple, un di e motibonan di esaki ta cu esakinan

tin menos impacto ariba nos medio ambiente.

Un hotel di 50 camber tin menos impacto cu un hotel di 500 camber. Un di e retonan cu
Aruba tin su dilanti ta cu ta birando sumamente dificil pa haya trahadonan cualifica. Un

hotel chikito ta rekeri menos personal, y e ta mas factibel cu un hotel mas grandi, cu ta
rekeri un cantidad di personal hopi mas grandi. Esaki ta uno y e otro ta cu Aruba tin
poco beach cu a resta, y cualkier hotel cu bin lo ta leu di e beachnan.

Un hotel boutique tin mas sentido y esaki tin su atractivo cun’e. Pero toch, un decision
mester wordo tuma, pa e bienestar di e sector turistico, cu ainda ta e pilar economico
mas grandi di Aruba, y e economia di Aruba pa un 80 pa 90% ta depende di turismo.

Si e pais kier sigui crece, y kier sigui e estilo di bida cu nos ta custuma cun’e, esey
kiermen cu e industria turistico mester sigui competi y ta exitoso. Te na unda e
boutique hotel por contribui na e crecemento economico, ta un reto sigur. Esaki door cu
nan ta mas chikito, e impacto economico ta bay ta menos. Pero sigur e ta un direccion

cu tin su merito cun’e, cu AHATA ta apoya.